22 Qyrkúıek, 15:18 377 0 Jańalyqtar Asyl TUMAR

Almatyda qazaq aqyndarynyń óleńderin oqıtyn oryndyq paıda boldy

Almatyda Tuńǵysh Prezıdent parkinde ınteraktıvti «sóıleıtin» oryndyq paıda boldy. Oryndyqtar belgili qazaq aqyndarynyń óleńderin oqıdy.

Osyndaı ınteraktıvti oryndyqtar Bostandyq aýdanynda birneshe jerde qoıylatyn boldy.

«2019 jyly «Qatysý bıýdjeti» jobasyna sáıkes Bostandyq aýdanynyń turǵyndary 2 235 mln teńge somasyna 47 usynys engizgen bolatyn. Olardyń ishinde quny 963,7 mln teńgege 34 joba daýys berýge joldandy. Búginde osy joba aıasynda QR Tuńǵysh Prezıdenti parkinde 1 ınteraktıvti oryndyq qoıylǵan. Qazir turǵyndardan ótinish kóp túsip jatyr. Bir oryndyq quny 1 mln teńge shamasynda», – dedi búgin onlaın brıfıng barysynda Bostandyq aýdany ákiminiń orynbasary Serik Ádilbaev.

Oryndyqtyń ishinde aýdıojúıe ornatylady. Oǵan belgili tarıhı tulǵalardyń bıografııasy, ánder men óleńder jazylady. Adam oryndyqqa otyrǵan kezde aýdıo qosylady.

«Odan bólek, «Open Almaty» portalynda ashyq daýys berý arqyly 3 joba jeńimpaz atandy. Quny 9,5 mln teńge bolatyn Workout aımaq pen balalar alańy qurylysy, Jarokov 284/1 mekenjaıyndaǵy quny 6,6 mln teńge bolatyn balalar oıyn alańy, quny 1,7 mln teńge Togizkumalak Smart nation jobasy. Bostandyq aýdany ákimdiginiń apparaty 2020 jyly osy jobalarǵa 14,3 mln teńge qarastyrdy. Jobalardyń barlyǵy qazir aıaqtalyp qaldy», – dedi Serik Ádilbaev.

 

Sońǵy jańalyqtar