15 Qyrkúıek, 14:31 548 0 Zań Anar LEPESOVA

Almaty oblysynda 200-den asa adam Qnet kompanııasynyń quryǵyna ilingen

Elimizde Qnet jelilik kompanııasyna qatysty 29 qylmystyq is qaralýda. Bul týraly QR IIM Tergeý departamentiniń basshysy Sanjar Ádilov onlaın brıfıng barysynda málimdedi.  

Departament basshysynyń dereginshe, Qnet kompanııasynyń bas keńsesi Malaızııada ornalasqan. Kompanııa jelilik marketıng júrgizedi, onda adamdar túrli zergerlik buıymdardy satýmen aınalysady. Bastapqy salym somasy – 30 dollar. Qazirgi ýaqytta azamattardan atalǵan kompanııaǵa qatysty 211 shaǵym tirkelgen. Jalpy elimiz boıynsha 29 qylmystyq is tergelýde. 

S. Ádilov Almaty oblysy Polıııa departamentiniń tergeý basqarmasy Qnet kompanııasynyń ókilderine qatysty 20 qylmystyq isti tergep jatqanyn aıtty.

«Almaty oblysynda 220 adamnyń zadrap shekkeni anyqtaldy. Olar 160 mln teńge materıaldyq shyǵynǵa ushyraǵan. Tergeý sharalary belsendi júrip jatyr. Malaızııa Koroldigine halyqaralyq tergeý tapsyrmasy jiberildi. Atalǵan qylmystyq is nátıjeleri týraly qosymsha habarlaımyz», - dedi departament basshysy. 

 

Sońǵy jańalyqtar