15 Qyrkúıek, 12:28 414 0 Praımerız Anar LEPESOVA

Jol sapasy, aýyz sý máselesi: Aqmolalyq úmitkerler tyń sheshimder usyndy

Aqmola oblysy boıynsha praımerızge qatysýshylar arasynda pikirsaıys qyzý júrip jatyr.

Búgin Kókshetaý, Stepnogorsk qalalary men Arshaly, Astrahan, Atbasar, Bulandy, Býrabaı, Birjan sal, Ereımentaý, Jaqsy, Qorǵaljyn, elınograd aýdandarynda jalpy sany 16 pikirsaıys ótti.

Debat alańynda 68 praımerızge qatysýshy óz baǵdarlamalarymen sóz saıysqa túsip, saılaýshylardyń suraqtaryna jaýap berdi. Áleýmettik jelide tikeleı efırde kórsetiletin debatty jalpy sany myńnan asa azamat tamashalap, 500-den asa partııa múshesi debatqa tikeleı qatysýǵa múmkindik aldy.

14 qyrkúıek bastalǵan debatqa jerebe arqyly anyqtalǵan azamattar qatysyp, óziniń saılaýaldy baǵdarlamasymen tanystyryp, sóz saıysyna túsip jatyr.

Olar birinshi kezeńde naqty eldi mekenderdiń máselesin sheshý boıynsha óz kózqarastaryn bildirdi. Al ekinshi kezeńde bir-biriniń suraqtaryna jaýap berip, túrli taqyrypta oı órbitti.

Máselen, elordanyń irgesinde ornalasqan elınograd aýdanynyń turǵyndaryn mazalaıtyn negizgi máseleler praımerızge qatysýshylardyń saılaýaldy baǵdarlamalarynda jaryq kórgen. Ár kandıdat óziniń naqty sheshimin usynsa, Ereımentaýlyq praımerızge qatysýshylar aýylsharýashylyǵy salasyna kóńil bólý kerektigin jetkizdi.

Praımerızge qatysýshylardyń arasynda bilim salasyndaǵy qordalanǵan máselelerdi sheshýge, Qoıandy, Qosshy, Talapker aýyldarynyń máselesin, úsh aýysymdaǵy mektepterdiń máselesin sheshý boıynsha óz usynysyn aıtqandar boldy.

Sondaı-aq jol sapasyn jaqsartý, taza aýyz sýmen qamtamasyz etý, aýlalardy abattandyrý maqsatynda elimizde joq tájirıbelerdi usyndy.
Jalpy Aqmola oblysy boıynsha praımerızge qatysýǵa 854 adam tirkelip, olar 219 debat alańynda pikir saıysqa túsýde.

Sońǵy jańalyqtar