Балалар үйінен қашып кеткен жеткіншектер табылды

Оралда жоғалып кеткен жасөспірімдер аман-есен табылды. БҚО полиция департаментінің баспасөз қызметі 15 жасар Сергей Таишев пен 14 жасар Илья Шканов қазіргі кезде отбасылық үлгідегі балалар ауылында екенін айтты. Жасөспірімдерді полиция қызметкерлері іздеп тапты. Екеуі де дін аман, жағдайлары жақсы. Бұдан бұрын Оралда 14 және 15 жасар екі жасөспірімнің балалар үйінен қашып кеткенін жазған болатынбыз.