19 Naýryz, 21:00 702 0 Ekonomıka Anar LEPESOVA

Valıýta naryǵyndaǵy ahýal: Memleket basshysy Erbolat Dosaevqa tapsyrma berdi

Memleket basshysy Qasym-Jomart Toqaev Ulttyq bank basshysy Erbolat Dosaevtyń valıýta naryǵy men qarjy salasyndaǵy qazirgi ahýal týraly esebin tyńdady, dep habarlaıdy Aqordanyń baspasóz qyzmeti. 

Ulttyq bank tóraǵasy Qazaqstannyń qor bırjasyndaǵy «teńge-dollar» saýdasy kezinde Frankfýrt aýkıony ádisin ýaqytsha engizý, sondaı-aq, qarjylyq turaqtylyq pen iskerlik belsendilikti saqtaý maqsatynda aqsha-kredıt saıasatyna qatysty qabyldanǵan sharalar jaıynda baıandady.

Memleket basshysy valıýta naryǵyndaǵy jaǵdaıdy turaqtandyrý úshin Ulttyq banktiń, Úkimettiń jáne ulttyq holdıngterdiń úılesimdi jumys júrgizip, tıimdi sheshimder qabyldaýynyń mańyzdylyǵyn atap ótti.

Qasym-Jomart Toqaevtyń pikirinshe, ınflıaııa deńgeıiniń ósýine qarsy jumystarǵa erekshe nazar aýdarý kerek.

Kezdesý qorytyndysy boıynsha prezıdent otandyq kásiporyndarǵa nesıe berýge, olardyń operaııalyq qyzmetin qarjylandyrýǵa qatysty keshendi qoldaý sharalaryn qabyldaýdy tapsyrdy.

Aıta keteıik, búgin Ulttyq Bank pen KASE ortaq málimdeme jasap, saýda-sattyqty Frankrýttyq aýkıon úlgisinde ótkizý týraly sheshim qabyldady.

Sońǵy jańalyqtar