16 Aqpan 2020, 09:03 414 0 Jahan Anar LEPESOVA

Qasym-Jomart Toqaev: Qazaqstan – Ortalyq Azııada mańyzǵa ıe memleketterdiń biri

Qazaqstan Prezıdenti Qasym-Jomart Toqaev Mıýnhen qaýipsizdik konferenııasy aıasynda «Geografııalyq ornalasýdyń mańyzy: Ortalyq Azııadaǵy qazirgi jaǵdaı» taqyrybyndaǵy pikirtalasqa qatysty. 

QazAqparattyń habarlaýynsha, halyqaralyq qatynastar keńesiniń prezıdenti Rıchard Haas jetekshilik etken pikirtalasqa Memleket basshysy Qasym-Jomart Toqaev pen Aýǵanstan Islam Respýblıkasynyń Prezıdenti Muhammed Ashraf Ǵanı qatysty.

Pikirtalasta Q.Toqaev geografııalyq ornalasýdyń mańyzy týraly sóz qozǵady.

«Qazaqstan jer kólemi boıynsha 9-oryndaǵy memleket. Bul, álbette, bizge kóptegen múmkindik pen jol ashady. Reseı, Qytaımen kórshiles bolýdyń da artyqshylyqtary bar. Ortaq shekara tyǵyz qarym-qatynas ornatýǵa múmkindik beredi. Qazaqstan – Ortalyq Azııada mańyzǵa ıe memleketterdiń biri. Ortalyq Azııa da kúnnen kúnge damyp jatyr. Meniń oıymsha, bul ilgerileý áli jalǵasyn tabady», - dedi Memleket basshysy.

Rıchard Haastyń energııa kózderi týraly saýalyna QR Prezıdenti: «Memleketimiz túrli energııa kózderine ıe. Bul da bir artyqshylyq. Ekonomıkanyń damýy úshin jańa jobalar men baǵdarlamalardyń qajet ekenin túsinemiz», - dedi Q.Toqaev.

 

Sońǵy jańalyqtar