14 Aqpan, 10:21 1668 0 Áleýmet Anar LEPESOVA

Áskerde 40-qa jýyq dúngen bar: Mınıstrlik depýtattyń sózi shyndyqqa janaspaıtynyn aıtty

Sýret ınternetten alyndy
Sýret ınternetten alyndy

Qazaqstanda dúngen ultynyń qyryqqa jýyq jigiti áskerde boryshyn ótep jatyr. Bul týraly qorǵanys mınıstrligi málim etti, dep habarlaıdy Sputnik Qazaqstan. 

"Áleýmettik jelilerde taraǵan dúngenderdiń áskerı qyzmetten bas tartatyny týraly aqparat shyndyqqa janaspaıdy.Qazaqstanda dúngen ultynan 40-qa jýyq sarbaz merzimdi áskerı qyzmetin atqaryp jatyr.Jalpy 2019 jyly 30 myńnan astam sarbaz shaqyryldy, onyń ishinde qazaqtar, orystar, tatarlar, nemister, ýkraındar, uıǵyrlar, ózbekter jáne basqa ult ókilderi bar", - dep habarlady Qorǵanys mınıstrligi.

Sonymen qatar, vedomstvo áskerge shaqyrylýshylardy irikteý kezinde olardyń ulty emes, tán saýlyǵy, psıhologııalyq jáne moraldyq ornyqtylyǵy, jeke qasıetteri basty ólshem retinde qarastyrylatynyn atap ótti.

Sońǵy jańalyqtar