11 Aqpan, 20:04 897 0 Jańalyqtar Asyl TUMAR

Premer-Mınıstrdiń orynbasary taǵaıyndaldy

Sýret ǵalamtordan alyndy
Sýret ǵalamtordan alyndy

Qazaqstan Prezıdenti Qasym-Jomart Toqaevtyń №265 jarlyǵymen Eraly Toǵjanov Premer-Mınıstrdiń orynbasary bolyp taǵaıyndaldy.

Jańadan saılanǵan vıe-premerdiń kandıdatýrasy búgin Májilis úıinde ótken Áleýmettik-mádenı damý jónindegi palata komıtetiniń otyrysynda maquldandy. Premer-mınıstrdiń tapsyrmasymen Kanelıarııa jetekshisi Ǵalymjan Qoıshybaev Eraly Luqpanulynyń mol jumys tájirıbesi men joǵary kásibıligin tilge tıek ete otyryp, onyń kandıdatýrasyn usyndy.

Komıtet otyrysynyń qorytyndysy boıynsha «Qazaqstan Respýblıkasy Parlament Májilisiniń Áleýmettik-mádenı damý jónindegi komıteti QR Konstıtýııasynyń «Qazaqstan Respýblıkasynyń Parlamenti jáne ondaǵy depýtattar mártebesi týraly» 22-1 babyna sáıkes, Premer-mınıstr usynǵan Eraly Luqpanuly Toǵjanovtyń kandıdatýrasyn QR Premer-mınıstriniń orynbasary qyzmetine laıyq dep sanaıdy» degen tujyrym jasaldy.

Toǵjanov Eraly Luqpanuly 1963 jyly 13 mamyrda Batys Qazaqstan oblysynda dúnıege kelgen.

E.A.Bóketov atyndaǵy Qaraǵandy memlekettik ýnıversıtetin (1983-1988 jj.) quqyqtaný mamandyǵy boıynsha bitirgen. QR Ǵylym Akademııasynyń Memleket jáne quqyq ınstıtýtyn (1991-1994jj.) támamdaǵan, mamandyǵy – zańger.

  • 1991 jyldan 1998 jylǵa deıin E.A. Bóketov atyndaǵy Qaraǵandy memlekettik ýnıversıtetiniń Memleket jáne quqyq teorııasy men tarıhy kafedrasynda oqytýshy;
  • 1994-1996 jj. QR Ǵylym Akademııasynyń Memleket jáne quqyq ınstıtýtynda ǵylymı qyzmetker;
  • 1996 jyldan bastap Qazaq gýmanıtarlyq zań ýnıversıtetiniń Memlekettik qyzmet jáne halyqaralyq quqyq fakýltetiniń aǵa oqytýshysy, dekan orynbasary;
  • 1994 jyldan bastap atalǵan ýnıversıtettiń halyqaralyq quqyq fakýltetiniń dekany;
  • 1999 jyly fılıal dekany;
  • 2001 jyly Astana qalasynyń Qazaq gýmanıtarlyq zań ýnıversıtetiniń Quqyq jáne memlekettik qyzmet ınstıtýtynyń dırektory;
  • 2001-2006 jj. Qaraǵandy oblysy ákiminiń orynbasary;
  • 2006-2008 jj. Qazaqstan Respýblıkasy Ádilet mınıstrligi Din ister komıtetiniń tóraǵasy;
  • 2008 jyldyń qańtarynda Qazaqstan Respýblıkasy Prezıdenti Ókimimen Qazaqstan Respýblıkasy Prezıdent Ákimshiliginiń Qazaqstan halqy Assambleıasy Hatshylyǵynyń meńgerýshisi;
  • 2017 jyldyń naýryzynda Mańǵystaý oblysynyń ákimi;
  • 2019 jyldyń qyrkúıeginde Kásipodaqtar federaııasynyń tóraǵasy qyzmetterin atqardy.

Memlekettik marapattary jáne qurmetti ataqtary bar. II deńgeıli «Dostyq» ordeni jáne «Eren eńbegi úshin» medalimen marapattalǵan.

Sońǵy jańalyqtar