21 Qańtar, 18:27 412 0 Jańalyqtar Asyl TUMAR

Almatyda «aqyldy» baǵdarshamdar jumys isteıdi

Sýret ǵalamtordan alyndy
Sýret ǵalamtordan alyndy

Elimizdiń «Almaty qalasynyń erekshe mártebesi» zańy aıasynda qala ákimdigi jol qozǵalysyn basqarýdyń avtomatty júıesin engizý men paıdalanýdyń jańa erejelerin ázirleýde.

Almaty qalasy ákimdiginiń baspasóz qyzmeti bul erejeler qalanyń baǵdarsham júıesin modernızaııalaýǵa múmkindik beredi. Bıyl 93 baǵdarsham zııatkerlik kólik júıesimen jaraqtandyrylady. Bul quzyret qala turǵyndarynyń, mamandardyń pikirin jáne halyqaralyq tájirıbeni eskere otyryp ákimdiktiń bastamasy boıynsha qolǵa alynýda. Osy máselege qatysty júrgizilgen zertteýler baǵdarshamdardy jol jaǵdaıyna qaraı beıimdeý qajet ekenin kórsetti.

«Bıyl zııatkerlik júıeniń alǵashqy kezeńinde 93 baǵdarshamdy jaraqtandyrýdy josparladyq, qalǵany 2022 jyldyń sońyna deıin júzege asady», – dedi Almaty qalasy qalalyq mobıldilik basqarmasy basshysynyń orynbasary Qanat Baıǵonyrov.

«Aqyldy» baǵdarshamdar joldaǵy qozǵalysty ózi retteıdi, qondyrǵy júrgizýshiler úshin qolaıly ýaqytty (20 nemese 30 sekýnd) boljaı alady.

Budan ózge, Q.Baıǵonyrov baǵdarshamdardyń zııatkerlik júıesiniń jolaqtardaǵy, baǵyttardaǵy kólik sanyn avtomatty túrde sanaıtynyn jáne kólik jyldamdyǵyn anyqtaıtynyn aıtty.

«Kólik aǵynyn tirkeıdi jáne syrtqy ásersiz jol qozǵalysyn retteıtin bolady. Osylaısha, baǵdarshamdar joldaǵy jaǵdaıǵa beıimdeledi», – dedi Qanat Baıǵonyrov.

Nátıjesinde «aqyldy» baǵdarshamdar «jasyl dáliz» qurady jáne qozǵalys áleýetine basymdyq beredi, eń aldymen qozǵalystyń úlken aǵynyn azaıtýdy basshylyqqa alady ári qoǵamdyq kólik qozǵalysyna yqpal etpek.

Sońǵy jańalyqtar