20 Qańtar, 21:15 406 0 Jańalyqtar Asyl TUMAR

Graffıtı jazbasy arqyly esirtki jarnamalaǵan

Sýret ǵalamtordan alyndy
Sýret ǵalamtordan alyndy

Graffıtı jazbalary arqyly esirtki jarnamalaǵan kúdiktiler ustaldy, – dep habarlady QR Ishki ister mınıstrliginiń baspasóz qyzmeti.

Esirtki qylmysy úshin jaýapkershilikti qatańdatatyn qylmystyq zańnamaǵa engizilgen túzetýler kúshine engeni málim. Bıylǵy jyldyń alǵashqy aptasynda esirtkini jarnamalaǵany men nasıhattaǵany úshin jaýapkershilik belgileıtin Qylmystyq kodekstiń jańa baby boıynsha eki qylmystyq is qozǵaldy.

15 qańtarda Qaraǵandyda polıııa qyzmetkerleri esirtki taratatyn ınternet-resýrstar kórsetilgen habarlandyrý jabystyryp júrgen qalanyń eki turǵynyn ustady. Ustalǵandardyń ekeýi de narkologııalyq esepte turady, qylmystyq, onyń ishinde esirtki ótkizgeni úshin de birneshe ret jaýapqa tartylǵan.

17 qańtarda Almatyda esirtki prıtonyn tintý barysynda graffıtı-jazbasy úshin qoldanylatyn trafaret alyndy. Bul qural arqyly tanymal messendjerdegi toptarǵa ınternet-siltemeler jasap kelgen. Prıton qatysýshysy ustalyp, onyń qolynan áleýmettik jelidegi esirtki taratýmen aınalysatyn toptyń siltemesi kórsetilgen paraqshalar alyndy. Daktıloskopııalyq, sot-bıologııalyq jáne narkologııalyq saraptamalar taǵaıyndaldy.

Oqıǵa ornynan uıaly telefondar alyndy. Ondaǵy aqparat osyndaı jarnama «tapsyrýshylarmen» ózara baılanysýǵa múmkindik beredi.

Ishki ister mınıstrligi 11 qańtardan bastap esirtkini nasıhattaıtyn jáne satatyn ınternet-saıttardyń siltemelerin taratqany úshin qylmystyq jaýapkershilik belgilengenin esterińizge salady. Qylmystyq Kodekske esirtkini nasıhattaý nemese zańsyz jarnamalaý úshin qylmystyq jaýapkershilik belgileıtin jańa 299-1-bap engizildi. Ol boıynsha úsh jylǵa deıin bas bostandyǵynan aıyrý túrindegi jaza kózdelgen.

«Eger osy qylmys toppen, birneshe ret, bilim uıymdarynda nemese adam kóp jınalatyn oryndarda, buqaralyq aqparat quraldary nemese elektrondyq aqparat resýrstaryn paıdalanyp, qyzmetik jaǵdaıyn paıdalanyp jasalsa 3 jyldan 6 jylǵa deıin bas bostandyǵynan aıyrý túrindegi jaza belgilenedi», delingen QR IIM baspasóz qyzmeti taratqan habarlamada.

Sońǵy jańalyqtar