20 Qańtar, 15:20 359 0 Jańalyqtar Asyl TUMAR

Et naryǵy zańdastyrylmaǵan – Asyljan Mamytbekov

Sýret ǵalamtordan alyndy
Sýret ǵalamtordan alyndy

Byltyr Qazaqstannan 160 myń bas iri qara shyǵarylǵan. Jaqynda elimizde tiri mal eksportyna tyıym salyndy. Osy máselege qatysty «Qazaqstan et odaǵy» birlestiginiń basshysy Asyljan Mamytbekov pikir bildirdi.

«Maldy tirideı eksporttaýǵa shekteý qoıýdyń bir sebebi – ishki naryqta ettiń baǵasyn tómendetý tapsyrmasyn oryndaý. Alaıda bul jaǵdaı ishki naryq deńgeıine eshqandaı yqpal etpeıdi. Eger osy qujat júzege asyp, maldy tirideı eksporttaýǵa shekteý qoıylsa, baǵa tómendemeıdi, tek deldaldardyń tabysy arta túsedi», – dedi Asyljan Mamytbekov.

Maman eksportty shektep tastamaı, osy baǵyttaǵy máselelerdiń bárin retke keltirý kerektigi aıtady. Áıtpese, maldyń tirideı satylyp ketýi – onyń baǵasyna oń áserin tıgizgenimen, dúkendegi taýar baǵasyna eshqandaı áser etpeıdi.

«Et naryǵy zańdastyrylmaǵan. Kóp nárse, onyń ishinde mal bordaqylaý oryndary kóleńkede qalyp otyr. Mal ıesinen tutynýshyǵa deıin zertteseńiz, etti satyp alyp, qaıta satatyndar kóp. Salyq júıesi jetildirilmegen. Kóleńkede saýda jasaýdyń yńǵaılyraq bolatyny sondyqtan», – dedi et odaǵynyń basshysy.

Asyljan Mamytbekov ımportqa qatysty: «AQSh, Kanada sekildi memleketter ónimdi eksporttaǵan deńgeıden kem ımporttamaıdy. Ol jaqta ımporttalǵan et qaıta óńdeledi. Al óziniń qymbat ónimin eksporttaý jol qoıylǵan», – dedi Asyljan Mamytbekov.

Sońǵy jańalyqtar