20 Qańtar, 12:51 337 0 Jańalyqtar Asyl TUMAR

Otandyq ǵalymdar qyzyl qurttan tyńaıtqysh óndirýde

Sýret ǵalamtordan alyndy
Sýret ǵalamtordan alyndy

Tabıǵı taza tyńaıtqyshty paıdalanyp, baqsha daqyldarynan mol ónim alýǵa bolady. 

24.kz arnasynyń habaryna túrkistandyq ǵalymdar tabıǵı taza tyńaıtqysh – bıogýmýs týraly aıtyp bergen, kádimgi kóńnen aıyrmashylyǵy bar. Mamandar mal tezeginiń qyshqylyn azaıtý úshin ony Kalıfornııa qyzyl qurtyna jegizedi.

«Sodan óńdelgen tyńaıtqysh baqsha daqyldarynan alatyn ónim kólemin eselep arttyrady, al óńdelmegen kóń egistikti kúıdirip jiberýi múmkin», – deıdi ǵalymdar.

HQTÝ ekologııa ǵylymı zertteý ınstıtýtynyń kishi qyzmetkeri Altynbek Ábseıit: «Ózge tyńaıtqyshtarmen óńdelgen qııar kúnine bir túpten bir qııar shyǵarsa, munda bir túbinen 5-6 qııar ósip shyǵady», – deıdi.

Qazaq-túrik ýnıversıtetiniń zerthanasynda bıoorganıkalyq tyńaıtqysh qurǵaq jáne suıyq túrinde daıyndalady. Qurǵaǵy topyraqqa aralastyrylsa, suıyq tyńaıtqyshtyń lıtri 100 lıtr sýmen aralastyrylyp, sý arqyly egistikke jiberiledi.

HQTÝ ekologııa ǵylymı zertteý ınstıtýtynyń dırektory Amangúl Aqbasova: «Bıoorganıkalyq tyńaıtqyshtyń tıimdiligi ónimdilikti 7-8 esege deıin artyq beredi. Eger tapsyrys tússe, qajetti mólsherdi daıyndap bere alamyz», – deıdi. Búginde zerthanada 2 tonnadan astam daıyn ónim bar.

Bul joba memleket tarapynan berilgen arnaıy grant jeńip alǵan, patent te berilgen.

Sońǵy jańalyqtar