19 Qańtar, 16:24 1120 0 Jahan Anar LEPESOVA

Álemdegi eń alasa boıly adam qaıtys boldy

Gınnestiń rekordtar kitabyna engen álemdegi eń kishkentaı boıly adam – Hagendra Tapa Magar ómirden ótti. Onyń jasy nebary 28-de edi. Bul  rekordtar kitabynyń  resmı saıtynda habarlandy. 

Hagendra Tapa Magar 1992 jyly Nepalda týǵan. Onyń boıy 67,08 santımetr. Táýelsiz qozǵalý qabileti bar álemdegi eń kishkentaı adam retinde tanylyp, 2011 jyly Gınnestiń rekordtar kitabyna engizilgen.

Hagendra fılıppındik Djýnı Djeı Balaývınge qaraǵanda 7 sm bıik, biraq Balaýıng ózdiginen júre almaıdy.

“Hagendra tez arada tanymal boldy jáne 2011 jyly Nepaldyń erikti týrızm boıynsha ókili bolyp taǵaıyndaldy”, - delingen habarlamada.

Hagendranyń dostary onyń sońǵy kezderi demikpe jáne júrek aýrýymen kúresip júrgenin aıtady. Ol 16 qańtarda Nepaldaǵy Manıpal aýrýhanasyna jatqyzylǵan. Bir kún ótkesin qaıtys bolǵan. Endi táýelsiz qozǵala alatyn álemdegi eń kishkentaı adam ataǵy, boıy 70,21 santımetr kolýmbııalyq Edýardo Nıno Ernandeske tıesili.

Sońǵy jańalyqtar