18 Qańtar, 09:52 1249 0 Jańalyqtar Asyl TUMAR

Eń tómengi jalaqy alatyndar tiziminde turmyz

Sýret ǵalamtordan alyndy
Sýret ǵalamtordan alyndy

Picodi.com por­talynyń málimetinshe, Qazaqstan álemdegi eń tómengi jalaqy ósimi boıyn­sha sońǵy orynda tur. Bul uıym zań shy­ǵarýshy organ belgilegen álemdegi eń tómengi jalaqy mólsheri bar 54 memleketti zerttegen.

Iaǵnı eń tómengi jalaqy boıynsha ju­mys isteıtin adamnyń qolyna ala­tyn aqsha mólsherin qaras­tyr­ǵan. Sonyń ishinde Qazaqstan eń sońǵy 54-orynǵa turaqtady. Bi­rinshiden, elimizde bıyl eń tó­mengi jalaqy ózgerissiz qaldy. Bi­raq qyzmet­kerdiń qolyna ala­tyn aqshasy 1,1% tómendedi. Se­bebi osy jyl­dan bastap saqtan­dyrý jarnasy qaıtaryldy.

Osyǵan oraı, bul portal azyq-tú­lik baǵasyn eń tómengi jala­qy­men salystyratyn reıtıng ja­sa­dy. Sonda bizde eń tómengi azyq-túlik sebetiniń quny tómengi ja­la­qynyń 58,7 paıyzyn qurady. Bul degenimiz – 22,2 myń teńge. Bir qyzyǵy, dál osyndaı sebet byl­tyrǵy jyldyń osy kezeńinde eń tómengi jalaqynyń 54,7 paıy­zy bolǵan. Osyǵan qarap-aq azyq-túliktiń ósimi jalaqynyń al­dyna túskenin kórsetedi. Son­dyq­tan bul jaǵynan Qazaqstan 48-orynda tur.

Bıyl «2020-2022 jyldarǵa ar­nalǵan respýblıkalyq bıýdjet týraly» zańǵa sáıkes qazirgi eń tómengi jalaqy mólsherin 42,5 myń teńgeni saqtaýǵa sheshim qa­byl­daǵan. Alaıda 2018 jylǵy ol kórsetkish 28,3 myń teńge bolǵan.

Árıne, sarapshylardyń pi­ki­rin­she, eń tómengi jalaqyny esep­teý ár elde ártúrli bolady. Oǵan qosa, ár eldiń óz zańdy­lyq­t­ary bar. Mysaly, Fılıppın men Gon­kongta eń tómengi jala­qyǵa salyq salynbaıdy. Al basqa el­derde sa­lyq tólemeı turyp jáne tólegen­nen keıingi jalaqy­nyń aıyrma­shylyǵy – jer men kók­teı. Máse­len, Rýmynııaniki 40 paıyzǵa jetedi.

Sońǵy jańalyqtar