17 Qańtar, 16:06 405 0 Qaýipsizdik Anar LEPESOVA

Pavlodarda kópqabatty úıden órt shyǵyp, 20 adam evakýaııalandy

Pavlodarda qutqarýshylar órt shyqqan páterden 1966 jyly týǵan er adamdy alyp shyqty, dep habarlady pavlodarnews.kz.

Oblystyq TJD baspasóz qyzmetiniń málimdeýinshe, 16 qańtar kúni saǵat 14:44-te №3 órt sóndirý bóliminiń «101» pýltine Tkachev kóshesinde ornalasqan 11-shi úıde órt shyqqany týraly habarlama kelip túsken. 10 qabatty turǵyn úıdiń 5-qabatyndaǵy páterlerdiń birinde órt shyqqan.

Barlaý barysynda páterde jalpy aýdany 5 sharshy metr jerde úı zattarynyń janyp jatqany anyqtaldy. Gaz tútinnen qorǵaý qyzmetkerleri páterden 1966 jyly týǵan er adamdy alyp shyǵyp, jedel járdem qyzmetkerlerine tapsyrdy.

Departamenttiń habarlaýynsha, órt saǵat 15:19-da sóndirildi. Kópqabatty úıden 20 adam shyǵaryldy. Onyń úsheýi – bala.

Sońǵy jańalyqtar