17 Qańtar, 11:48 708 0 Densaýlyq Anar LEPESOVA

Aqtaýda múgedek qyzdyń isheginen bir tulym shash pen ıne shyqty

Belgili aqtaýlyq hırýrg Nasýhan Otarǵazıev 14 jastaǵy múmkindigi shekteýli qyzǵa kúrdeli ota jasap, isheginen bir tulym shash pen ıne alyp shyqty. Bul týraly Facebook áleýmettik jelisinde Azamat Sársenbaev esimdi qoldanýshy jazdy. 

Onyń aıtýynsha, 15 qańtar kúni keshke Mańǵystaý oblystyq balalar aýrýhanasynda dáriger Nasýhan Otarǵazıev 14 jastaǵy múgedek qyzǵa shuǵyl túrde ota jasap, naýqastyń ómirin aman saqtap qalǵan.

Sársenbaevtyń jazýynsha, 14 jastaǵy naýqas balalar aýrýhanasyna ishiniń qatty aýyratynyna shaǵym aıtyp, aýyr jaǵdaıda túsken. Dáriger ishki aǵzasyna rentgen jasaǵannan keıin bóten zatty tapqan.

"Otarǵazıevtyń shuǵyl aralasýynyń arqasynda ota jasaý barysynda qyzdyń isheginen bir tulym shash pen ıne sátti alyndy. Ota jasalǵannan keıingi kezeńde asqyný bolǵan joq. Dárigerdiń aıtýynsha, bala qanaǵattanarlyq jaǵdaıda", - deıdi Sársenbaev.

Sońǵy jańalyqtar