16 Qańtar, 15:31 489 0 Atajurt Túrkistan Gazeti

Qazaq esimdi ana qazaq elinen járdem suraıdy

Iran eliniń Gorgan qalasynan atajurtqa qonys aýdarǵan qan­dastardyń biri – Ábdirahman Babyq pen onyń otbasynyń jaǵdaıy týraly buǵan deıin de baspasóz betterinde aıtylǵan. Bul otbasyna barynsha qolushyn sozyp, máselesimen aınalysyp júrgen almatylyq quqyq qorǵaýshy Marjan Aspandııarovanyń aıtýyna qaraǵanda, Ábdirahman Babyq otbasyna áleýmettik kómek qajet eken.

«Bul otbasy Iranda jaqsy turǵan edi. Bolashaq urpaq óz elinde óssin dep Mańǵystaýǵa kóship keldi. Biraq elge kelgeli bastarynan biraz qıyndyqtar ótti. Baspana jáne jer máselesi sheshilgen joq. Otaǵasy Ábdirahman Babyqtyń kózine operaııa jasalǵan. Eki kózi durys kórmeıdi. Taǵy da jasatý qajet. Oǵan qarajat joq. Jergilikti klınıka ekinshi toptaǵy múgedek ekenin anyq­taıyn qujatty da bermeı jatyr. Kishkentaı qyzy bar, onyń da densaýlyǵy jaqsy emes. Qazaq Nosratbıbi – osy úıdiń anasy. Shyryldap qaqpaǵan esigi joq. Sondyqtan jan-jaqtan el bolyp, qoǵam bolyp kómektesip jibersek jaqsy bolar edi», – deıdi Marjan Aspandııarova.

Qazaq Nosratbıbi: «Kelgenimizge 10 shaqty jyldan asty, úıimiz joq. Qazir turyp jatqan «Áleý­mettik jataqhanadan» shyǵyńdar dep jatyr», –  deıdi.

Aqtaý qalasyndaǵy 2010 jyly salynǵan «Oralmandardy beıimdeý jáne yqpal­dastyrý ortalyǵy» 2016 jyldyń jeltoq­sanynan bastap aty ózgerip, «Áleýmettik jataqhana» kommýnaldyq memlekettik mekemesine aınalypty. Biraq Qazaq­stannyń kóshi-qon týraly zańynda oralmandardy beıimdeý jáne ýaqyt­sha ornalastyrý ortalyqtary qyzme­tin aımaqtardaǵy jergilikti bılik uıym­dastyratyny jazylǵan. Onda oral­mandardyń «turǵyn úıi bolmaǵan kezde beıimdeý ne ýaqytsha ornalastyrý ortalyq­tarynda bir jyldan aspaıtyn merzimge tirkelýge quqyǵy bar» ekeni kórsetilgen.

Baqytbek QADYR

Sońǵy jańalyqtar