5 Jeltoqsan, 09:09 272 0 Rýhanııat Anar LEPESOVA

Dástúrli án áýeledi

Pavlodar oblysy Ýspen aýdanynda respýblıkalyq «Án men jyrdan aq shashý» atty dástúrli án-jyr festıvali ótti.

Qazaq halqynyń maqtanysh eter asyl mura, rýhanı jádigerleriniń ishinde ǵasyrlar súzgisinen ótip, búginge jetken kól-kósir án qazynasy erekshe oryn alady. Qazaq áni – qazaq janynyń ǵasyrlar kóshinde shań baspaǵan syrly aınasy, halyq rýhynyń yqylymnan til qatqan kýágeri.

WhatsApp Image 2019-12-05 at 14.14.48 (2).jpeg

Ýspen aýdanynyń mádenıet, tilderdi damytý, dene tárbıesi jáne sport bólimi uıymdastyryp otyrǵan festıvalǵa elimizge tanymal dástúrli ánshilermen qosa, oblysymyzdyń jas ánshileri de qatysty. Is-sharanyń negizgi maqsaty – dástúrli ánshilerdiń ónerlerin damytyp, elimizdiń óńirlerindegi án maqamdarynyń erekshelikterin halyqqa nasıhattaý jáne aýdandaǵy dástúrli án oryndaýshylaryn qoldaý.

WhatsApp Image 2019-12-05 at 14.14.49.jpeg

Atalmysh sharaǵa Nur-Sultan qalasynan Kúnsulý Túrikpen, Almaty qalasynan Sábıt Dabyl men Shattyq Ýatqan, Qyzylordadan Marat Súgirbaı, Kókshetaýdan Nazıra Beısenova, Pavlodar qalasynan Erbol Aıtbaev, Saltanat Qısatova, jas ánshiler Bazarbaı Azamat, Qurmetjan Erbaq, Bóken Jiger, Jalyn Qunanbaı jáne Mańǵystaýdan «Men qazaqpyn» jobasynyń júldegeri, aıtýly dástúrli ánshi Ospan Qulsymaq arnaıy kelip qatysqan bolatyn. Festıval barysynda ánshiler óz óńirleriniń maqamyna saı eki dástúrli án oryndap shyqty. Dástúrli ándi sheberine keltirip oryndaǵan ánshilerge Ýspen aýdanynyń turǵyndary qoldaý kórsetip, qol soǵyp demep otyrdy.

Festıval barysynda aqyn, dástúrli ánshilermen kezdesý uıymdastyryldy. Kezdesýdi Pavlodar oblysynyń mádenıet, tilderdi damytý jáne arhıv isi basqarmasynyń basshysy Ernur Dáýenov ótkizip, aqyndar men dástúrli ánshilerdiń qoǵamdaǵy ımıdjin kóterý sharalaryn talqylady.

Festıval sońynda qatysýshylarǵa dıplomdar, alǵys hattar jáne aqshalaı syılyqtar tabystaldy.

Sońǵy jańalyqtar