8 Jeltoqsan, 09:06 306 0 Aımaq Anar LEPESOVA

Qant qyzylshasyn jınaýdan rekord tirkeldi

Jambyl oblysynda qant qyzylshasyn jınaý naýqanynyń nátıjesinde 5500 gektar alqaptan 173 myń 748 tonna tátti túbir jınaldy. Bul  ótken jylǵy nátıjeden 7168 tonnaǵa artyq kórsetkish. Bul týraly oblystyq aýyl sharýashylyq basqarmasy habarlady. 

Oblys dıqanshylary bıyl zamanaýı aýylsharýashylyǵy tehnıkalaryn paıdalaný jáne joǵary surypty tuqym sebýdiń nátıjesinde qant qyzylshasynyń ár gektarynan alynǵan ortasha ónim 316 entnerdi qurap, rekordtyq kórsetkishke qol jetkizilgen. Bir ǵana Taraz qalasynyń sharýalary nebári 20 gektar qant qyzylshasynyń ár gektarynan 634,6 entnerge deıin ónim alǵan.

Sondaı-aq alynǵan ónim kólemi Merki aýdanynda 367,0, Baızaq aýdanynda 315,0, Shý aýdanynda 301, Qordaı aýdanynda 283,0, Jambyl aýdanynda 252,0 jáne Talas aýdanynda 250 entnerdi quraǵan. «Búgingi tańda qant zaýyttaryna 135 564,1 tonna qant qyzylshasy ótkizilgen. Sonymen qatar 17 myń tonna qant óndirý josparlanǵan. Máselen, aǵymdaǵy jyly Jambyl oblysynda 5,6 myń gektar alqapqa qant qyzylshasy otyrǵyzylsa, onyń 105 gektary, ıaǵnı Jýaly aýdanynda 60 gektar, T.Rysqulov aýdanynda 45 gektar alqap jaramsyzdyqqa ushyraǵan bolatyn»,-delingen oblystyq aýyl sharýashylyq basqarmasynyń habarlamasynda.

Qazirgi tańda óńirde qant óndirisin damytý úshin jyldyq qýattylyǵy 148 myń tonnany quraıtyn, quny 85 mıllıard teńge bolatyn zamanaýı qant zaýytynyń qurylysy júrgizilýde. Iri jobany «Qyzylsha» JShS-men júzege asyrýda.

 

Sońǵy jańalyqtar