7 Jeltoqsan, 14:35 545 0 Jańalyqtar Asyl TUMAR

Boranda jolda qalǵandar kóp

Aqmola oblysynda túnde boranda jolda qalǵan 92 adam qutqaryldy, onyń 4-ýi bala, dep habarlaıdy oblystyq Tótenshe jaǵdaılar departamentiniń Baspasóz qyzmeti.

Vedomstvonyń málimeti boıynsha, borannyń saldarynan Atbasar aýdany aýmaǵynda jeltoqsannyń 6-da túngi saǵat 22:05-te «Almaty-Ekaterınbor» tasjolynyń boıynda «Nur-Sultan - Derjavınsk» jáne «Nur-Sultan - Rýdnyı» baǵytymen júrip kele jatqan «Volvo» jəne «Setra» avtobýstary jolda qalǵan. «Qutqarý jumystaryna TJD 3 qyzmetkeri men 2 tehnıkasy tartyldy. Eki avtobýsta bolǵan 20 jolaýshy (onyń 2-ýi bala) qutqarylyp, Atbasar qalasyndaǵy mektep ınternatyna ýaqytsha jaıǵastyryldy», – deıdi vedomstvodan. Al, sol kúni saǵat 22-30 óńirdegi barlyq baǵyttaǵy avtokólik joldarynyń jabyq bolýyna baılanysty «Kókshetaý-Atbasar» tasjolynyń boıynda 5 jeńil kóliktegi 12 adam Poltavka orta mektebine jetkizildi. Sonymen qatar, joldardyń jabyq bolýyna baılanysty jeltoqsannyń 7-de túngi saǵat 00:05 Kókshetaý qalasynan 17 shaqyrym qashyqtyqta «Nur-Sultan-Petropavl» tasjolynan «Setra» avtobýsy qaýipsiz jerge jetkizildi. «Sýrgýt-Shymkent» baǵytyndaǵy «Setra» avtobýsynda 69 adam jolaýshy boldy. Onyń 2-ýi bala. Olardyń barlyǵy jylytý ornyna jetkizildi. Medıınalyq kómekke júgingenderi joq», – dep tolyqtyrdy vedomstvodan.

Sońǵy jańalyqtar