5 Jeltoqsan, 18:18 870 0 Jańalyqtar Asyl TUMAR

Marqumnyń sómkesinde 5 mln teńge bolǵan

KTK arnasynyń habarlaýynsha, 38 jastaǵy qaraǵandylyq Janar Bólegenovanyń ólimi jaıly tyń málimetter shyqty.

Telearna málimetinshe, sol kúni kelinshektiń qolynda ózimen birge 5 mıllıon teńge bolǵan. Týystarynyń sózinshe, ol alaıaqtardyń arbaýyna túsken. Sebebi, ol bir qarjylyq júıege aqsha salyp, az ýaqyt ishinde paıyzymen qaıtaryp alyp turǵan. Birneshe ret paıdaǵa kenelgen soń, týǵan-týystardan qaryzdanyp júrip 5 mıllıon teńge jınap alypty. Qaraǵandyda 38 jastaǵy rıeltor áıeldiń denesi konteınerden tabyldy Alaıda qomaqty qarajatty aparyp bergen adamy ony býyndyryp óltirgen. Máıitti qalanyń shetki aýdanyna taksımen jetkizip, temir jáshikke tastaǵan. Marqumnyń artynda kámeletke tolmaǵan eki balasy qaldy.

Kúdikti ustalǵan. Qaraǵandy oblystyq PD baspasóz hatshysy Jańataı Sembekov: «Jedel izdestirý sharalary barysynda 36 jastaǵy kúdikti ustalyp, moıyndaý kórsetpelerin berdi. Búgingi tańda QR Qylmystyq kodeksiniń  99-baby boıynsha is tirkelip, sonyń aıasynda oqıǵanyń mán-jaıy anyqtalady», – deıdi.

Sońǵy jańalyqtar