4 Jeltoqsan, 19:03 364 0 Jańalyqtar Asyl TUMAR

Respýblıkalyq veterınarııalyq zerthana basshylary para aldy

Buǵan deıin sybaılas jemqorlyq jasady dep kúdikke ilingen QR AShM "Respýblıkalyq veterınarııalyq zerthana" ShJQ RMK bas dırektorynyń mindetin atqarýshy M.Itenovke, onyń orynbasary ári zerthana meńgerýshisi G.Ádilbaevaǵa qatysty sotqa deıingi tergeý aıaqtaldy. Bul týraly Almaty qalasynyń Sybaılas jemqorlyqqa qarsy qyzmeti habarlady.

3 jeltoqsan kúni Almaty qalasy Jetisý aýdanynyń №2 aýdandyq sotynyń úkimimen M.Itenov pen G.Ádilbaeva belgili bir azamatty zerthanashy retinde jumysqa ornalastyrý úshin 250 myń teńge kóleminde para alǵany, sondaı-aq M.Itenov kásipkerlerge tıisti qorytyndy berýde qyzmettik ókilettigin burys paıdalanǵany úshin kináli dep tanylyp, árqaısysyna 10 mln teńge kóleminde aıyppul salyndy. Atalǵan tulǵalar ómir boıy memlekettik qyzmette jumys isteý quqyǵynan aıyryldy.

Sońǵy jańalyqtar