4 Jeltoqsan, 16:30 443 0 Ekonomıka Túrkistan Gazeti

«Turaqtydan» – «Pozıtıvtige»: Fitch Ratings qazaqstandyq qarjy uıymynyń reıtıngin kóterdi

3 jeltoqsan kúni Fitch Ratings ForteBank-tiń halyqaralyq boljamdy reıtıngin «Turaqtydan» «Pozıtıvtige» kóterý týraly sheshim qabyldady jáne qarjy uıymynyń emıtentiniń uzaq merzimdi defolt reıtıngin (VR) «V» deńgeıinde turǵandyǵyn rastady.

Fitch sarapshylarynyń pikirinshe, ForteBank sońǵy birneshe jyl ishinde turaqty jáne negizdi tabystarǵa qol jetkizgen (ROAA jáne ROAE - 2019 jyldyń 9 aıynda 2,3 %-dan 20 %-ǵa deıin). «Bul – bizdiń oıymyzsha turaqty kórsetkish. Forte aktıvteri sapasy tómen táýekelge ıe. Qarjylandyrý men ótimdilik sapasy reıtıngtiń salystyrmaly esepteýlerinde joǵary ról oınady», deıdi olar.

«Fitch-tiń ForteBank boljamdy reıtıngisin jaqsartýy bizge jáne tutynýshylarymyz úshin mańyzdy oqıǵa boldy. Bul banktiń turaqtylyǵy men senimdiligin taǵy da rastaı tústi. Biz klıentterimizdiń bankke degen joǵary senimdiligin aıǵaqtaıtyn jaǵymdy qarjylyq kórsetkishterdi jalǵastyra beretin bolamyz», deıdi ForteBank Basqarma Tóraǵasy Gýram Andronıkashvılı atalǵan jańalyqqa baılanysty sózinde.

Eske sala keteıik, buǵan deıin Moody's Investors Service («Moody's») halyqaralyq reıtıng agenttigi ForteBank depozıtteri boıynsha uzaq merzimdi reıtıngti B3-ten B1-ge deıin kótergen (bir ýaqytta eki satyǵa) bolatyn, boljam «Turaqty» edi. Al S&P Global Ratings reıtıng agenttigi ForteBank reıtıngin «V» deńgeıinen «B +» - ke kóterdi, boljam – «Turaqty».

2019 jyly ForteBank negizgi qarjylyq kórsetkishterdiń sapaly ósýin bylaı kórsetedi:

Jyl basynan bergi aktıvterdiń ósimi 15,8 % (+280,7 mlrd. teńge), bul bankke eldegi eń iri 3 banktiń qataryna kirýge múmkindik berdi;

Banktiń nesıe portfeliniń + 5 %-ǵa (+32,6 mlrd. teńge) ulǵaıýy;

Banktiń depozıttik portfeliniń + 7,5 %-ǵa (+83,3 mlrd. teńge) b ulǵaıýy;

2018 jyldyń sáıkes kezeńimen salystyrǵanda 2019 jyldyń 9 aıynda banktiń komıssııalyq kirisiniń ósýi + 49,9 %-dy (+ 5,2 mlrd. teńge)  qurady;

2018 jyldyń 9 aıymen salystyrǵanda, 2019 jyldyń 9 aıyndaǵy jumys nátıjeleri boıynsha taza paıda 46,5 %-ǵa ósti.

Bank naryqta menshikti kapıtal jetkiliktiliginiń eń joǵary koeffııentteriniń birin ıelenýdi jalǵastyrýda – 17,4 % (K2) - (QUB derekteri)

Ótimdilik koeffııenti de joǵary deńgeıde, 156 %-dy quraıdy.

 

Sońǵy jańalyqtar