4 Jeltoqsan, 15:15 399 0 Jańalyqtar Asyl TUMAR

Elimizdiń bank sektory daǵdarysqa ushyraýy múmkin

Jaqynda Moody's halyqaralyq agenttigi Qazaqstandaǵy bank júıesine qatysty esebin jarııalaǵan bolatyn.

Onda jekelegen nesıeleý kóleminiń kún sanap qarqyndy artýy saldarynan elimizdegi bank sektory 2014-2015 jyldardaǵy daǵdarys jaǵdaıyn qaıta bastan keshýi múmkin ekeni aıtyldy. Moody's málimetinshe, 2019 jyldyń sońyndaǵy jaǵdaı boıynsha jeke tulǵaǵa beriletin nesıe kólemi (ıpotekalyq nesıeni esepke almaǵanda) ataýly tabys jıyntyǵynan 2,2 ese asady.

Bul oraıda SciencesPo ýnıversıtetiniń professory, ekonomıka ǵylymdarynyń doktory Sergeı Gýrıev: "Moody's halyqaralyq deńgeıde bedeli joǵary uıym, ári árbir jarııalaǵan esebi úshin úlken jaýapkershilik sezinedi. Sondyqtan, bul agenttiktiń boljamymen kelisemin. Ári atalmysh eseptiń jan-jaqty jáne tolyqqandy zerttelip baryp, jarııalanǵanyna senimim mol. Qazaqstandaǵy bank sektorynyń búgingi jumys isteý tásili men naryq jaǵdaıyna tótep berý tetikterin zerdeleıtin bolsaq, bul salanyń ótken daǵdarys jaǵdaıynan eshqandaı sabaq almaǵanyn baıqaıtyndaımyz", – degen pikirin bildirdi.

Sońǵy jańalyqtar