4 Jeltoqsan, 10:24 325 0 Mádenıet Anar LEPESOVA

Almatyda «Bastaý» kınofestıvali bastaldy

Almatyda VIII Halyqaralyq «Bastaý» stýdenttik jáne debıýttik  fılmder festıvaliniń ashylýyna oraı baspasóz máslıhaty ótti.

Jıynǵa «Bastaý»   HKF prezıdenti Sergeı Ázimov,  Bastau Debuts konkýrsynyń qazylar tóraǵasy, kınorejısser, senarıst, prodıýser - Mıhaıl Segal (Reseı), teatr jáne kıno aktrısasy - Nellı Ývarova (Reseı), kınosarapshy, «Listapad» halyqaralyq Mınsk kınofestıvalynyń baǵdarlamalyq dırektory Igor Sýkmanov, «Bastaý» festıvaliniń art-dırektory Dıana Áshimova, rejısser Shárıpa Orazbaeva (Qazaqstan), rejısser, stýdenttik qazylar alqasynyń tóraǵasy Álisher Jádigerovter (Qazaqstan) qatysty.

-Osymen segizinshi márte ótip jatqan festıvalymyz ótpeli kezeńde uıymdastyrylyp jatyr. Mundaı kezde bizdiń festıvaldaı aýqymdy sharany ótkizý-ońaı emes. Degenmen Almaty qalasynyń ákimi Baqytjan Saǵyntaevtyń tikeleı qoldaý bildirýimen bul másele oń sheshimin tapty.Sondaı-aq bizge Sh.Aımanov atyndaǵy «Qazaqfılm» kınostýdııasy men T.Q.Júrgenov atyndaǵy QazUÓA basshylyǵy úlken qoldaý kórsetti.   Bul qadam festıvalymyzdyń elimizdiń mádenı ómirinde turaqty túrde ótip turýy tıis mańyzdy shara ekendigin aıǵaqtaıdy. Bizdiń festıval- jas kınogerlerdiń sheberlikterin shyńdaýǵa, alǵa qoıǵan maqsattaryn júzege asyrýǵa joldama beretin alań, ózderindeı jastarmen tanysyp, baılanys ornatatyn, kıno maıtalmandarynan úırenetin shyǵarmashylyq keńistik, - dedi «Bastaý» HKF dırektory Sergeı Ázimov.

- Bıylǵy baǵdarlama stýdentteger ǵana emes, sondaı aq kórermenge de qyzyqty bolady dep oılaımyn. Bir aıta keterligi, biz bıyl alǵash ret baıqaý baǵdarlamasyna derekti kınony qostyq. Sheteldik qonaqtardyń baǵdarlamasy da qyzyq bolatyny sózsiz. «Bastaýdyń» basty mindeti – bilim berý bolǵandyqtan, biz sheberlik dáristerdiń baǵdarlamasyn da jaqsylap oılastyrdyq.  Kartınalardy halyqaralyq deńgeıde tanytý, olardy halyqaralyq festıvaldarǵa usyný, satyp alýlarǵa qatysty arnaıy baǵdarlama bolady, - dedi festıvaldiń art-dırektory Dıana Áshimova.

Keshke «Alataý» dástúrli óner teatrynda «Bastaý» kınofestıvaliniń saltanatty ashylý rásimi ótti.

Kesh basynda «Bastaý» kınofestıvaliniń prezıdenti Sergeı Ázimov jáne QazUÓA prorektory Sáken Maıǵazıev kelgen qonaqtarǵa alǵystaryn aıtyp, qatysýshylarǵa sáttilik tiledi.

Mádenı is-shara barysynda Grýzııanyń belgili rejısseri Iraklıı Kvırıkadze qazaq kınosynyń damýyna qosqan úlesi úshin júldesimen marapattaldy. Bul qurmetti syılyqty festıval prezıdenti Sergeı Ázimov tabystap, grýzııalyq áriptesimen birge 8-shi halyqaralyq «Bastaý» kınofestıvalin ashyq dep jarııalady.

Saltanattyń resmı baǵdarlamasynan keıin kórermenderge álemniń kóptegen festıvalderinde kórsetilip úlgergen qazaqstandyq rejısser Sharıpa Orazbaeva túsirgen «Márıam» fılmi usynyldy. Kórsetilimniń aldynda fılmdi tanystyrýǵa shyqqan rejısser kartınanyń túsirilý barysy týraly sóz aıtyp, shyǵarmashylyq ujymǵa alǵysyn bildirdi.

Esterińizge sala keteıik, bıyl festıval formatyna ózgerister endi. Baıqaýǵa alǵash ret tolyqmetrajdy debıýttik fılmder enip otyr (barlyǵy 10 týyndy). Al qysqametrajdy fılmder baıqaýyna bıyl 44 elden 360 ótinim kelip túsken. Festıvaldiń irikteý komıssııasy konkýrsqa 43 týyndyny tańdap alǵan. Aıta ketsek, festıval barysynda QazUÓA stýdentterge arnalǵan sheberlik dárister men festıval qonaqtarynyń qatysýymen shyǵarmashylyq kezdesýler ótedi.

Fılmder Bekmambetov Cinema (Abaı dańǵyly, 109 V,Globus SOO, 2—shi qabat) kınoteatrynda kórsetiledi.

Stýdenttik jáne debıýttik «Bastaý» halyqaralyq festıvalynyń uıymdastyrýshylary: «Bastaý» HKF Bas Dırekııasy, «Kınokompanııa Tanaris Production» JShS, Almaty qalasy ákimdiginiń qoldaýymen «A Team» kompanııasy, T.Júrgenov atyndaǵy Qazaq Ulttyq óner Akademııasy, TURAN Ýnıversıteti, Sh.Aımanov atyndaǵy «Qazaqfılm» AQ.

 

Sońǵy jańalyqtar