15 Qarasha, 15:38 354 0 Rýhanııat Anar LEPESOVA

Almatyda Bıbigúl Tólegenovanyń 90 jyldyq mereıtoıy atalyp ótti

Kúmis kómeı, jeztańdaı ánshiniń qurmetine arnalǵan konert Qurmanǵazy atyndaǵy Qazaq Ulttyq Konservatorııasynda uıymdastyryldy. Onda qazaqstandyq jáne sheteldik kompozıtorlarynyń arııalary, halyq ánderi jáne romanster oryndaldy.

Halqymyzdyń súıikti ánshisin merekelik mereıtoıymen quttyqtaýǵa kelýshilerdiń sany óte kóp. Tipti, konerttik zalda ıne shanshar oryn da qalǵan joq, dep habarlaıdy "Almaty" arnasy.

Aty ańyzǵa aınalǵan ánshiniń daýysyn estý úshin jınalǵan ánshiniń ónerine taǵzym etýshiler Bıbigúl Tólegenovaǵa ystyq yqylastaryn bildirip, quttyqtaý bildirdi. Konerttik shara barysynda áriptesteri men shákirtteri de óner kórsetti. Semeı oblysynyń týmasy Bıbigúl Tólegenova óziniń ónegeli ómir jolynda muǵalim de bolǵan, Qazaq radıosynda da jumys jasap, fılmderge de túsken edi. Bıbigúl Tólegenovanyń repertýarynda tek qana qazaqtyń halyq ánderi ǵana emes, sonymen qatar sheteldik klassıkalyq shyǵarmalar da bar.

«Áli kúnge deıin qolymnan kelgenshe elime paıdamdy tıgizgim keledi. Óıtkeni men sahnaǵa shyǵyp, án aıtqanda qanshama adam osynda otyryp, nár, kúsh alyp ketti. Men úshin sol – óte úlken dáreje. Sodan artyq eshteńe joq. Árdaıym el aldynda tizemdi búgip, ıilip sálem bergen saıyn halyqqa súısinetinmin. Jasym úlkeıgen saıyn halyq aıaǵynan tik turyp, meni qarsy alady. Odan ótken baqyt, odan úlken baılyq joq», – dedi KSRO jáne QR Halyq ártisi Bıbigúl TÓLEGENOVA.

Mereıtoı konertte halyqtyń ystyq yqylasyna bólengen Bıbigúl Tólegenova sahnaǵa ózi shyǵyp, Abaı Qunanbaevtyń «Jelsiz túnde jaryq aı» ánin oryndady. Jeztańdaı ánshiniń jasy ulǵaıǵanymen, áli de qudiretti talantyna tánti bolǵan kórermender dý qol shapalaq urýdan sharshaǵan joq.

Konerttiń osy Qurmanǵazy atyndaǵy konservatorııada ótýiniń ózindik erekshe sebebi bar eken. Munda Bıbigúl Tólegenova bilim alyp, qazirgi ýaqytqa deıin stýdentterge sabaq bergen.

«Ulylarymyzdy dáriptep, osy qazirgi jastarǵa úlgi nasıhat bolatyndaı qylyp jetkizý kerek. Sonyń biri, árıne, bizdiń aq jarqyn, qazaqtyń bulbul ánshisi Bıbigúl Ahmetovna Tólegenova. 90 jyldyǵy qutty bolsyn apamyzdyń. Mereı jasy uzaq bolsyn. Osy 90 jyldyqtyń qarsańynda kóptegen is-sharalar júrip jatyr», - dedi Qurmanǵazy atyndaǵy Qazaq Ulttyq Konservatorııasynyń rektory Arman JÚDEBAEV.

Konertte Bıbigúl Tólegenova atyndaǵy Halyqaralyq vokalıster konkýrsynyń laýreattary Rasýl Jarmaǵambetov, Madına Orazbaı, Balýan Berkenov, Halyqaralyq konkýrstardyń laýreaty Madı Madııarov, QR eńbek sińirgen qaıratkeri Tolqyn Zabırova, Ian Rýdkovskıı jetekshilik etetin konservatorııanyń aralas hory, jáne t.b daryndy jastar óner kórsetken bolatyn. Konert barysynda sahnada ánin ustazyna arnaǵan Tolqyn Zabırova óziniń Bıbigúl Tólegenova sııaqty qazaqtyń birtýar ánshisiniń shákirti bolǵanyn maqtan tutatynyn aıtty.

«Apaıymyzdyń Qazaqstan boıynsha qanshama fılarmonııalarda, jalpy óner salasynda istep júrgen shákirtteri óte kóp. Iaǵnı, men jalǵyz shákirti emespin. Alaıda «Bıbigúl Ahmetqyzy Tólegenovanyń shákirti degen» uly ataqqa ıe bolǵanymdy maqtan etemin. Men úshin ol – úlken mártebe», – dedi ánshi Tolqyn ZABIROVA.

Halqynyń júreginde máińgilik mekendeıtin Bıbigúl Ahmetqyzynyń óner jolyn jalǵastyramyn deıtinder kóp. Bulbul ánshiniń kóptegen shákirtteri búginde elimizge eńbek sińirgen ártister atanyp, Qazaqstan mádenıeti men mýzyka óneriniń damýyna óz úlesterin qosýda.

Sońǵy jańalyqtar