15 Qarasha, 10:08 306 0 Zań Anar LEPESOVA

Qaraǵandyda 21 jastaǵy jigit anasyn órtep jiberdi

Áıeldiń jartylaı janǵan máıitin aýyl shetinen turǵyndar taýyp alǵan. Polıııa kúdiktini qamaýǵa aldy, dep habarlaıdy "Astana" telearnasy. 

42 jastaǵy áıeldiń jartylaı janǵan múrdesi Dýbovka aýylynan eki shaqyrym qashyqtaǵy ıen daladan tabyldy. Ony aýyl turǵyndary baıqap qalyp, dereý polıııa shaqyrǵan.

Kóp uzamaı marqumnyń týǵan uly kúdikke ilikken. 21 jastaǵy jigit anasyn aldymen uryp, sodan soń órtep, tanysymen birge aýyl shetine aparyp tastaǵanyn polıııaǵa aıtqan.

Qazir kúdikti qamaýda. Oǵan qatysty «adam óltirý» babymen is qozǵaldy.

"Polıııada qylmystyq is tirkelip, tıisti saraptamalar taǵaıyndaldy. Oqıǵanyń mán-jaıy anyqtalýda", - deıdi Qaraǵandy oblystyq polıııa departamentiniń baspasóz hatshysy Janataı Sembekov.

Kórshileri bul otbasymen aralaspaǵan. Aıtýlarynsha anasy ishimdikke salynǵan. Ana men bala arasyndaǵy kıkiljińge osy sebep bolǵanyna senimdi. Olar óz sózderinde ishimdikke salynǵan anasynyń áreketteri balasyn sharshatqanyn aıtyp qaldy.

Kúdikti óziniń týǵan anasy jáne naǵashy ájesimen birge turǵan. Kórshileriniń aıtýynsha, qazir ájeı ózi jalǵyz qalǵan.

Olar kúdikti jigittiń oǵash qylyqtardan aýlaq bolǵanyn da aıtady. Al qaıǵyly oqıǵaǵa anasynyń ishimdikke salynýy sebep bolýy múmkin dep otyr.

Dýbovka aýylynyń ákimdigi de kúdikti jigitke shań jýytpady.

"Ol dızaıner mamandyǵyn bitirip, qalada jumys isteıtin. Kári naǵashy ájesi men sheshesiniń bar problemasyn bir ózi arqalap júrgen edi", - dedi ákimdik ókilderi.

"Bala aqyldy, sýretti jaqsy salatyn. Dızaıner mamandyǵyn tańdady, eshkimge qarsy sóılemeıtin, sypaıy. Sener senbesimizdi bilmeımiz. Turǵyndar keıingi ýaqytta mamasy ishedi degen. Sodan sharshady ma, álde namystandy ma, jas bala ǵoı", - dedi Qaraǵandy oblysy Dýbovka aýyldyq okrýgi ákimdiginiń bas mamany Erke Orazbaeva.

Alaıda jas jigitke jasalǵan jaqsy minezdeme onyń aýyr aıybyn jýyp-shaıa almaıdy. Anasynyń denesin jasyrýǵa kómektesken tanysy da jazasyz qalmaýy múmkin. Ony tutqyndaý máselesi áli sheshilgen joq.

 

Sońǵy jańalyqtar