14 Qarasha, 11:07 289 0 Aımaq Ásel ÁNÝARBEK

Ǵarysh salasyndaǵy oń ister

«Qazaqstandaǵy ǵarysh kúnderi: Baıqońyr – álemdik ǵarysh besigi». Elordada dál osyndaı ataýmen halyqaralyq forým ótti. Osymen jetinshi ret uıymdastyrylǵan sharaǵa álemniń 25 eli­nen kelgen ǵarysh salasynyń 650-den astam sarapshysy qa­tysty.

Jıynǵa qatysýshylar Qazaqstan­daǵy ǵarysh salasynyń jetistikteri men damý múmkindikteri, jańa aeroǵa­rysh­tyq tehnologııalardy engizý jáne Baı­qońyrdaǵy tarıhı ózgerister jaıyn­da áńgime órbitti. Forýmnyń ashylý saltanatyna qatysqan Úkimet bas­shysy Asqar Mamın «Baıqońyr» ǵar­ysh aılaǵy damýdyń jańa kezeńine ót­kenin aıtyp ótti. Odan bólek Premer-mınıstr Qazaqstannyń baı­lanys ǵarysh júıelerin qarjylan­dyrý­dy 300 mln dollarǵa deıin jetkizý tý­raly josparymen bólisti. Aıta keteıik, jýyq arada Baıqońyr ǵarysh aı­laǵynda «Báıterek» ekologııalyq qaýip­siz ǵarysh zymyran keshenin qurý boıynsha arnaıy jobany júzege asyrý jumystary bastaý almaq.

Elimizdiń ǵarysh salasyndaǵy bas­ty jetistikteriniń biri – ǵarysh ap­­parattaryn qurastyrý-synaý keshe­ni. Bú­ginde keshen qurylysynyń aıaqtal­ǵany týraly aktige qol qoıyldy. Endi atalǵan keshen qazaqstandyq ǵarysh sa­lasyn jańa deńgeıge kóterý úshin qyz­met etpek. «Búgingi kúni Qazaqstanda eki telekommýnıkaııalyq spýtnık ju­mys isteıdi. Biz osy saladaǵy múm­kindikterimizdi odan ary damytýdy kózdeýdemiz. Keshe ǵana qurastyrý-synaý kesheniniń qurylysy aıaqtaldy, ıaǵnı 2020 jyly biz óz spýtnıgimizdiń jobasyn jasap, óndirýge kirisý arqyly jańa deńgeıge kóterilýdi josparlap otyrmyz. Bul – Qazaqstannyń álemdik ǵarysh qaýymdastyǵynyń tolyqqandy múshesi retindegi bastamasy», – dedi ıfrlyq damý, ınnovaııalar jáne aero­ǵarysh ónerkásibi mınıstri Asqar Jumaǵalıev.

 

Sońǵy jańalyqtar