14 Qarasha, 10:52 352 0 Din Túrkistan Gazeti

Jan jylýyn sezbegender jat aǵymǵa tez eredi

Ótken aptada Nur-Sultan qalasynda «Din salasyndaǵy máselelerdi jarııalaý boıynsha jýrnalısterge arnalǵan trenıng» degen taqyrypta jıyn boldy. Sarapshylar men dintanýshylardyń qatysýymen ótken semınardy Aqparat jáne qoǵamdyq damý mınıstrligi Din isteri komıteti uıymdastyrdy. Basty maqsat – din salasynda materıal jazatyn jýrnalısterdiń kásibı biliktiligin arttyrý jáne olardyń sheberligin shyńdaý. Jýrnalıster, dintanýshylar men teologtardyń erkin pikir almasý alańynda kóptegen mańyzdy máseleler ortaǵa salyndy.

Elimiz boıynsha jat aǵymnyń je­te­ginde ketkenderdiń sany áli azaımaı otyr. Jer betindegi jumaqty izdep, she­gara asyp Sırııadan bir-aq shyqqan  516 qazaqstandyq (onyń 357-i balalar) bıyl «Jýsan» operaııa­sy­nyń aıasynda elimizge oraldy. Elge qaı­tarylǵan aza­mattardan qoǵamy­myz­ǵa qaýip bar ma já­ne olardyń orta­ǵa beıimdelýi qalaı jú­rip jatyr degen saýaldyń týyndaı­tyny anyq.

Bizdiń qoǵamda áleýmettik jaǵdaıy tó­men jáne joǵary bilimi joq adamdar ózge aǵymnyń jetegine erip ketedi de­gen syńarjaqtaý pikir bar. Biraq jaqsy ómir izdep Sırııaǵa ketken azamattardy zertteı kele báriniń otbasynda beri­letin tárbıege baılanysty ekeni bel­gi­li bolyp otyr. Mektepte, stýdent­tik kezeńderde ómirinde belgili bir aqaýlar bolǵan, ata-anasymen jeke qarym-qa­tynastyń durys bolmaýynan jáne jan jylýynyń joqtyǵynan zardap shekkender ózge aǵymnyń tuzaǵyna tez túsetin kórinedi.

Din isteri komıtetiniń tóraǵasy Er­jan Bolatqanuly «Jýsan» ope­raııa­sy boıynsha Sırııadan oralǵan kóp­balaly áıelderdiń balalarynyń qu­jattaryn retteý boıynsha úlken ju­mystar júrip jatqanyn aıtty. Óıt­keni balalary Sırııada týǵan ana­larǵa óz balasy ekenin dáleldeıtin ar­naıy genomdyq saraptamalar ja­salýy kerek. Aldaǵy ýaqytta qujattyq má­selelerdiń barlyǵy sheshilip, elge qaı­tarylǵan azamattarmen arnaıy ju­mystar jalǵasyn tabatyn
bolady.

 

Araılym JOLDASBEKQYZY

Sońǵy jańalyqtar