13 Qarasha, 19:48 291 0 Sport Anar LEPESOVA

Golovkın men Alvarestiń úshinshi kezdesýi qashan ótetini belgili boldy

IBF tujyrymy boıynsha álem chempıony  Gennadıı Golovkınniń 2020 jyly ótkizetin kezdesýlerdiń kestesi jasalǵan. Bul týraly boksshynyń ókilderi habarlady. 

Qazaqstandyq sportshy 2020 jyldyń 8 aqpanynda chempıondyq beldigin qorǵaý maqsatynda polshalyq boksshy Kamıl sheremetaǵa qarsy Chıkago qalasynda jekpe-jek ótkizedi. IBF polshalyq boksshyny mindetti qarsylas etip taǵaıyndamasa da kezdesý ótkizý kelisimsharty jasalyp qoıǵan.

Sondaı-aq 2020 jyldyń mamyr aıynda Golovkın men Alvares arasynda úshinshi kezdesý ótkizý kútilgen. Alaıda, meksıkalyq boksshy ol ýaqytta GGG-men judyryqtaspaıtynyn aıtqan. "Kanelo" tarapy kezdesýdi 2020 jyldyń qyrkúıeginde San-Antonıo qalasynda ótkizýdi usynǵan. Buǵan GGG komandasy ázirshe kelisimin bergen.

Aıta ketsek, Golovkın men Alvares arasyndaǵy kezdesýlerdiń barlyǵy tek qyrkúıek aıynda ótkizilgen. Birinshi jekpe-jek teń aıaqtalsa, 2017 jylǵy kezdesýde meksıkalyq boksshy tóreshilerdiń sheshimimen jeńiske jetken bolatyn.

Sońǵy jańalyqtar