13 Qarasha, 16:00 814 0 Oqshantaı Anar LEPESOVA

"Odan da mıllıardtaryn ofshorǵa shyǵaratyndardy izdeńizder!" – Perýashev aqsha aýdarymdaryn tekserý týraly

Parlament májilisiniń depýtaty Azat Perýashev qarjy mınıstrliginiń azamattardyń aqsha aýdarymdaryn tekserý jónindegi málimdemesin ótkir synǵa aldy dep habarlaıdy Sputnik Qazaqstan. 

Aıta keteıik, jýyrda qarjy vıe-mınıstri Berik Sholpanqulov keleshekte azamattardyń bank kartasy arqyly jasaıtyn operaııalaryn tekserý josparlanyp otyrǵanyn aıtqan edi. Perýashev osy málimdemeden keıin "Aq jol" partııasyna kóptegen hattar kelip túskenin, málimdeme qoǵamda úlken daý týdyryp, synǵa ilingenin atap ótti.

"Vıe-mınıstrdiń túsiniktemesine qaraǵanda, bul sheshimniń eki negizgi maqsaty bar: birinshisi, salyqtan jaltarǵan kásipkerlerdiń tabysyn anyqtaý; al ekinshisi – bıýdjetke túsetin salyqty ulǵaıtý. Jasyryn tabysty anyqtaýǵa qatysty mynany eske salǵym keledi. Prezıdent óz joldaýynda úkimetke shaǵyn bıznesti 2020 jyldyń 1 qańtarynan úsh jylǵa tabys salyǵynan bosatýdy tapsyrdy. Budan bólek, shaǵyn jáne orta bıznesti tekserýge úsh jylǵa moratorıı jarııalady", – dedi depýtat qarjy mınıstri Álıhan Smaıylovqa joldaǵan depýtattyq saýalynda.

Budan bólek, Perýashev atap ótkendeı, ShOB-tan túsetin tabys salyǵy jergilikti bıýdjetterge beriletin bolady.

"Osylaısha, shaǵyn bıznes aınalymyn ákimshileýdiń máni joǵalyp otyr. Azamattar jeke kartasymen mıllıondap aqsha aýdarady dep oılamaımyn, basym bóliginiń qolynda mundaı aqsha da joq. Qarapaıym halyq bank kartasymen azyq-túlik, dári-dármek, kıim-keshek satyp alǵanda esep aıyrysady", – dedi ol.

Sondaı-aq halyq qalaýlysy karta ustaıtyndardyń deni kredıtke kún kórip otyrǵanyn jetkizdi.

"Qurmetti salyqshylar, tólem kartalaryn baqylaý arqyly tabysyn jasyrǵan mıllıonerlerdi tappaısyzdar. Bul adamdar úkimetten eshnárse surap otyrǵan joq, óz nanyn ózi taýyp júr. Odan da mıllıondap para bopsalap, mıllıardtaryn ofshorǵa shyǵaratyndardyń izine túsińizder", – dep keńes berdi ol.

Osy oraıda depýtat bıýdjet aqshasyn ońdy-soldy shashatyn arany ashylǵan sheneýnikterge shúılikti.

"Dańǵaza sharalardy azaıtyńdar, qymbat kólikke mingendi qoıyńdar, sonda aqsha da jetedi, adamdar da salyqtyń durystyǵyna senedi", – dedi májilismen.

Sóz sońynda depýtat "Aq jol" frakııasynyń ótinishin jetkizdi.

"Sizden vıe-mınıstr Sholpanqulovtyń tólem kartasy arqyly jasalatyn operaııalardyń jekelegen túrine salyq salý týraly málimdemesin rastaýdy nemese joqqa shyǵarýdy; eger mınıstrliktiń osyndaı jospary bolsa, tym bolmaǵanda, ony shaǵyn bıznesti tabys salyǵynan bosatý merzimi aıaqtalǵanǵa deıin iske asyrmaýdy suraımyz", – dedi ol.

 

Sońǵy jańalyqtar