13 Qarasha, 12:41 681 0 Qoǵam Anar LEPESOVA

Almatylyq oqýshylar "Úzdik vaıner" ataǵyna talasady

Almatyda mektep-ınternattar men balalar úıleriniń joǵary synyp oqýshylary arasynda úzdik vaın baıqaýy jarııalandy. Saıys 4 kezeńnen turady. Irikteý qazan aıynda bastalǵan. 100-den astam úmitkerden ótinish kelip túsken, dep habarlaıdy "Almaty" arnasy. 

Sonyń ishinde 39 qatysýshy tapsyrmany durys oryndaǵan. Endi olarǵa tanymal onlaın-rejısser jáne senarıst, teatr jáne kıno akteri men trevvel-bloger sheberlik sabaqtaryn ótkizedi.

«Bul baıqaýǵa qatysqan sebebim – bolashaqta televızııa salasynyń ataqty mamany bolýdy armandaımyn. Jáne kóptegen vaınerlarmen sóılesip, olardyń aqyl-keńesterin alǵym keledi. Bul «Aıala» qorynyń maǵan berer kómegi ol meni bolashaqqa úmittendirip jáne de maǵan ol kóptegen múmkindikter beredi. Jáne ózimdi erkin ustaýǵa úırenemin», – dedi qatysýshy Balsultan ELIKBAI.

«Qazir jasyratyn nesi bar Youtube sekildi úlken platformalarda qazaqsha kontent joq. Bolsa da, jaqsy dúnıeler joq. Bos bylaısha aıtqanda. Jańaǵy bos turǵan oryndy toltyryp, keremet dúnıelerdi jasaýǵa tyrysyp jatqan jastardyń kóbeıip jatqanyna men shyn júrekten qýanyshtymyn. Biz de oǵan ózimizdiń úlesimizdi qosamyz», – dedi Tjokers vaın komandasynyń múshesi Janserik QADYRBAEV.

Jarystyń aqtyq syny 25 jeltoqsanda ótedi. Úzdik vaındar kınoteatrdyń úlken ekranynda kórsetiledi. Qazylar alqasy 10 nomınaııa boıynsha júldegerlerdi anyqtaıdy. Jeńimpaz komandaǵa smartfon tabystalady.

Sońǵy jańalyqtar