13 Qarasha, 10:56 368 0 Jahan Anar LEPESOVA

Pýtınniń baspasóz hatshysy Nazarbaevtyń usynysyna jaýap berdi

Reseı prezıdenti Vladımır Pýtınniń baspasóz hatshysy Dmıtrıı Peskov Nursultan Nazarbaevtyń Ýkraına men Reseı basshylaryn kezdestirý týraly usynysyna jaýap berdi. Onyń aıtýynsha, Pýtın  Zelenskıımen kezdesýden qashpaıdy, alaıda ony jaqsylap daıyndaý kerek. Bul týraly RIA Novostı basylymy jazdy.

Peskov Kremldiń Nazarbaevqa dástúrli túrde alǵys aıtatynyn jáne qazaqstandyq seriktesterdiń úlesin joǵary baǵalaıtynyn, reseılik-ýkraındyq qarym-qatynasty jaqsartý maqsatynda Nur-Sultannyń áserine alǵys bildirdi.

Sondaı-aq, ol Pýtınniń osy jaǵdaıǵa baılanysty qarym-qatynasty qaıta qalpyna keltirý, bir aǵynǵa túsirýdi qoldaıtynyn aıtty. Alaıda bul úshin Kıev tarapy da óz úlesin qosý kerek eken.

Árıne, Pýtın mundaı kezdesýlerden eshqashan bas tartpaıtynyn aıtty, degenmen jáı ǵana kezdesýden eshteńe ózgermeıdi, oǵan jaqsy daıyndyq kerek dep sanaıdy. Osyǵan baılanysty qazirgi ýaqytta biz "normandtyq formatty" proesterine daıyndalyp otyrmyz. Bul úshin, árıne, taraptar Mınskide óz moınyna alǵan barlyq mindettemelerdi oryndaýy tıis, - dedi jýrnalısterge Peskov.

Osyǵan deıin, Qazaqstannyń Tuńǵysh prezıdenti Nursultan Nazarbaev Reseı men Ýkraına basshylary Vladımır Pýtın men Vladımır Zelenskııdiń Qazaqstanda kelissózder júrgizýdi usyndy. Nazarbaev Ýkraına prezıdentiniń kózbe-kóz kezdesýine kelisimin alyp, Reseı kóshbasshysyna óz usynysyn habarlady.

Sońǵy jańalyqtar