12 Qarasha, 21:08 338 0 Sport Anar LEPESOVA

Tokıo-2020: Qazaqstandyq sportshylar taǵy eki joldamaǵa qol jetkizdi

Qytaıdyń Ýhan qalasynda qazirgi bessaıystan lıenzııalyq Azııa chempıonaty ótip jatyr. Qurlyq dodasynda erler men áıelder arasyndaǵy jekeleı syn aıaqtaldy. Jarys nátıjesi boıynsha, Qazaqstan komandasynyń músheleri Elena Potapenko men Pavel Ilıashenko olımpıada joldamasyna qol jetkizdi, dep habarlaıdy Olympic.kz. 

Elena Potapenko Azııa chempıonatynan 12-oryn ıelenip, Olımpıadaǵa joldama aldy. Olımpıadaǵa irikteý týrnıriniń erejesine sáıkes, qurlyq básekesinde 5 joldama sarapqa salyndy. Ár elden tek bir sportshy ǵana lıenzııaǵa úmitker bola alady. Potapenkonyń aldynda Ońtústik Koreıanyń tórt, Japonııa men Qytaıdyń úsh, Ózbekstannyń bir sportshysy bar. Osylaısha Elena Potapenko el qorjynyna 24-joldamany saldy.  Erler arasynda Pavel Ilıashenko tórtinshi oryn ıelenip, Tokıo oıyndaryna qatysý múmkindigin aldy.

Aıta ketelik, qazaqstandyqtar ázirge Tokıo olımpıadasyna 25 lıenzııa jeńip aldy. Buǵan deıin Iýrıı Iýrkov (nysana kózdeý), Sársenkúl Rysbekova (stend atý), Rıshat Haıbýllın (sporttyq quzǵa órmeleý), Dmıtrıı Balandın (100, 200 metrge brass ádisimen júzý), Olga Rypakova, Georgıı Sheıko (jeńil atletıka), Evgenıı Gıdıch (velosport, lıenııa komandaǵa beriledi), sadaq atýdan Qazaqstan erler komandasy (Denıs Gankın, Ilfat Abdýllın, Sanjan Musaev; komandalyq jáne jekeleı syn), Vıtalıı Hýdıakov (ashyq sýda júzý), Ekaterına jáne Aleksandra Nemıch (sınhrondy júzý), Mılad Karımı (sporttyq gımnastıka), Valentına Islamova, Elmıra Syzdyqova (áıelder kúresi), Ashat Dilmuhamedov, Meırambek Aınaǵulov (grek-rım kúresi), Nurıslam Sanaev, Dáýlet Nııazbekov, Danııar Qaısanov, Álisher Erǵalı (erkin kúres) Olımpıada joldamalaryna qol jetkizgen bolatyn.

Sońǵy jańalyqtar