12 Qarasha, 20:59 466 0 Saıasat Anar LEPESOVA

Memleket basshysy Irannyń Syrtqy ister mınıstrin qabyldady

Qazaqstan Prezıdenti Irannyń Syrtqy ister mınıstri Muhammed Djavad Zarıfti qabyldady. Bul týraly Aqordanyń baspasóz qyzmeti habarlady. 

Qasym-Jomart Toqaev "Aqorda" rezıdenııasynda "Astana Club" halyqaralyq pikirtalas alańyna qatysý úshin Nur-Sultan qalasyna kelgen Iran Islam Respýblıkasynyń Syrtqy ister mınıstri Muhammed Djavad Zarıfti qabyldady.

Taraptar ekijaqty yntymaqtastyqtyń qazirgi ahýaly men perspektıvasyn, sondaı-aq, óńirlik jáne halyqaralyq kún tártibindegi ózekti máselelerdi talqylady.

Memleket basshysy bıylǵy qazan aıynda Erevanda ótken Joǵary Eýrazııalyq ekonomıkalyq keńes aıasynda Prezıdent Hasan Rýhanımen tabysty kelissóz júrgizgenin aıtty. Qazaqstan Prezıdenti ırandyq áriptesiniń Nur-Sultan qalasyna ózine yńǵaıly ýaqytta saparmen kelýin kútetinin jetkizdi.

Muhammed Djavad Zarıf Qasym-Jomart Toqaevqa Qazaqstan astanasynda ózine kórsetilgen qonaqjaılylyq úshin alǵys aıtty.

Irannyń Syrtqy ister mınıstri "Astana Club" jumysynan alǵan áserimen bólise otyryp, Qazaqstannyń Tuńǵysh Prezıdenti Nursultan Nazarbaevtyń forýmnyń plenarlyq otyrysyndaǵy baıandamasyn jáne jıynnyń syndarly atmosferasyn joǵary baǵalady.

Sońǵy jańalyqtar