12 Qarasha, 15:33 339 0 Nur Otan Túrkistan Gazeti

Nurotandyqtar elimizdiń ár aımaǵyndaǵy túıtkildi máselelerdi talqylady

«Nur Otan» partııasy elimizdiń barlyq aımaqtaryndaǵy aýmaqtyq damý baǵdarlamalaryn iske asyrýdyń aralyq nátıjelerine taldaý jasady. Partııa Lıderi Nursultan Nazarbaev Úkimet pen Parlament Májilisindegi «Nur Otan» frakııasynyń múshelerimen ótken jıyn barysynda aımaqtyq damý baǵdarlamalarynyń oryndalý barysy týraly tyńdalym uıymdastyrýdy jáne  júrgizilgen taldaý jumystarynyń nátıjelerin eskere otyryp, 2025 jylǵa deıingi aýmaqtardy damytýdyń jańa baǵdarlamasyn ázirleýdi tapsyrdy.

Sonymen, elordada qalalyq máslıhattaǵy frakııanyń depýtattary 42 myń turǵyn ózderiniń áleýmettik mártebesin áli kúnge kórsetpegeni týraly máseleni jergilikti bılik organdarynyń aldyna kóldeneń tartty. Jaǵdaı osy kúıinde qalsa, bul jaqyn arada qalalyq emhanalardyń, mektepter men eńbek naryǵyndaǵy júktemeniń shamadan tys artýyna ákelýi múmkin. Almatyda joldardaǵy ólim-jitim, energııa tıimdiligi jáne ınfraqurylymdy damytý máseleleri kóterildi.

Al Shymkentte frakııa músheleri aýrýhanalar men bilim oshaqtarynyń jetispeýshiligi ózekti bolyp otyrǵanyn aıtady. Búginde Shymkenttegi toǵyz mektepte úsh aýysymda oqıdy. Bul qatarǵa jýyq arada qaladaǵy taǵy segiz bilim ordasy qosylýy múmkin.

Batys Qazaqstan oblysynda 111 maqsatty kórsetkishtiń 97-sine qol jetkizilgenimen,  apatty jáne úsh aýysymdy mektepter problemasy munda da bar. Sonymen qatar, astyq jınaýdyń kórsetkishi tómendep, jol-kólik oqıǵalary artqan. Qaraǵandy oblysynda jol jóndeý, ınfraqurylym men turǵyn úı qurylysy ózekti bolyp otyr. Baǵdarlamaǵa turǵyndardyń ómir súrý sapasy men kirisiniń ósýin aıqyndaıtyn kórsetkishter qosylǵan.

Shyǵys Qazaqstan oblysyndaǵy «Nur Otan» frakııasynyń depýtattary qoǵamdyq kólikterdiń sapasyn arttyrý jáne mektepter salý qajettiligin alǵa tartty.  Aqmola oblysynda aǵyndy sýlar jelilerin damytýdy jedeldetip, turmystyq qatty qaldyqtarǵa arnalǵan nysandar salý qajet. Sondaı-aq, munda ónerkásiptik áleýetti arttyrý men shaǵyn jáne orta bıznesti damytý úshin ınvestıııa tartý jumystaryn kúsheıtý máselesi tur. Soltústik Qazaqstan oblysy turǵyn úı qurylysy men jol jóndeý jumystarynyń jáne aýyldyq jerlerdegi ınjenerlik kommýnıkaııalardyń qarqynyn jedeldetýge nıetti.

Partııa basshylyǵynyń tapsyrmasyna jáne Memleket basshysy Qasym-Jomart Toqaevtyń Qazaqstan halqyna Joldaýynda aıtylǵan «Halyq únine qulaq asatyn memleket» tujyrymdamasyna sáıkes, barlyq aımaqtarda «Nur Otan»-nyń depýtattary ár eldi mekenniń problemalyq máselelerin taldap, 2025 jylǵa deıingi aýmaqtyq damýdyń aımaqtyq baǵdarlamasyna usynystar jasaıdy.

Sońǵy jańalyqtar