12 Qarasha, 11:01 287 0 Qoǵam Anar LEPESOVA

Birlik bar jerde tirlik bar

QR Aqparat jáne qoǵamdyq damý mınıstrligi men «Rýhanı jańǵyrý» Qazaqstandyq qoǵamdyq damý ınstıtýty» KeAQ birlesip, uıymdastyrǵan «Qazaqstan etnostary: elimizdiń damýyna qosqan úlesteri. Biz birgemiz» atty respýblıkalyq ǵylymı-praktıkalyq konferenııasy ótti. 

Is-shara aıasynda «Qazaqstan etnostarynyń Qazaqstan halqynyń ortaq tarıhı jáne mádenı murasyna qosqan úlesin zertteý» zertteý jumysynyń nátıjeleri el damýyna eleýli úles qosqan 538 zııalydan iriktelgen 50 kórnekti tulǵadan turatyn biregeı málimetter bazasy túrinde usynylady. Olardyń arasynda kompozıtor, qazaq mýzykalyq óneriniń negizin qalaýshylardyń biri, Qazaq KSR halyq ártisi, professor, KSRO jáne Qazaq KSR Memlekettik syılyqtarynyń laýreaty Brýsılovskıı Evgenıı Grıgorevıch, ańyzǵa aınalǵan folklorıst, etnograf, kompozıtor jáne Qazaq KSR halyq ártisi Zataevıch Aleksandr Vıktorovıch sekildi belgili tulǵalar da bar.

Is-sharanyń maqsaty – qoǵamdyq birlik pen ultaralyq kelisim ıdeıalaryn keńinen nasıhattaý, tarıhı sanany qalyptastyrý arqyly ulttyq kodty saqtaý, «Bir halyq – bir el – bir taǵdyr» qaǵıdaty boıynsha biriktirýshi faktorlardy izdeý.

Konferenııaǵa Qazaqstan Respýblıkasynyń Aqparat jáne qoǵamdyq damý mınıstri Dáýren Abaev, Qazaqstan halqy Assambleıasy tóraǵasynyń orynbasary Janseıit Túımebaev, «Rýhanı jańǵyrý» Qazaqstandyq qoǵamdyq damý ınstıtýtynyń» KEAQ Basqarma tóraǵasy Kemelbek Oıshybaev, tarıh ǵylymy jáne etnologııa, etnosaralyq qatynastar, saıası zertteýler, muraǵattaý salalaryndaǵy jetekshi mamandar qatysyp otyr. Sondaı-aq QR Parlament depýtattary, memlekettik organdardyń ókilderi, Qazaqstan halqy Assambleıasynyń, «Qoǵamdyq kelisim» QMÝ, etnomádenı birlestikterdiń jáne basqa da qoǵamdyq uıymdardyń ókilderi de atalmysh is-sharadan qalys qalmady.

Sońǵy jańalyqtar