8 jeltoqsannan bastap elimizde birqatar poıyz baǵyttary ózgeredi

Poıyzdardyń jańa  júrý kestesiniń engizilýine baılanysty 8 jeltoqsannan bastap keıbir baǵyttar ózgermek. Bul týraly "Jolaýshylar tasymaly" AQ baspasóz qyzmeti habarlady. 

Atap aıtqanda:

1) - №375/376  "Nur-Sultan – Rıdder" baǵyty boıynsha júretin poıyzdyń jol júrý qashyqtyǵy qysqartylyp, ol oblys ortalyǵy Óskemen-1 stansasyna deıin ǵana qatynaıdy;

- №85/86 "Nur-Sultan-Nurly jol - Saryaǵash" poıyzy endi eski vokzal kesheninen júrip, bul baǵyt  "Nur-Sultan-1 - Saryaǵash" dep ózgeredi;

- sol sııaqty №673/674 "Pavlodar – Nur-Sultan-Nurly jol" baǵyty boıynsha júretin poıyz endi  "Pavlodar  - Nur-Sultan-1" baǵyty boıynsha qatynaıdy;

2) Kún ara júretin №712/711 "Nur-Sultan – Shymkent" jolaýshylar poıyzy endi kúnde júretin bolady;

Sonymen qatar, alty jolaýshylar poıyzynyń nómiri ózgeredi:

1) "Jolaýshylar tasymaly"  AQ-qa qarasty:

- № 153/154 "Nur-Sultan- Semeı"  endi  № 353/354;

- № 375/376 "Nur-Sultan-Óskemen-1"  endi № 67/68;

- № 377/378  "Almaty-Mańǵystaý"  endi  №77/78 poıyzy  bolyp ózgeredi;

2)  Jeke tasymaldaýshylar:

- № 312/311 "Nur-Sultan- Semeı"  endi  №121/122 ("Araı trans kz" JShS-ge  qarasty);

- № 307/308/ "Nur-Sultan- Jezkazǵan" endi   №107/108 ( "Maral Nur" JShS);

- № 617/618 "Qyzylorda-Nur-Sultan" endi  №117/118 ("Maral Nur" JShS).

Ulttyq tasymaldaýshy barlyq suraq boıynsha biryńǵaı anyqtama qyzmeti "105"  nómirine habarlasýlaryńyzdy suraıdy (staıonarlyq telefonnan qońyraý tegin), - delingen habarlamada.