11 Qarasha, 21:40 317 0 Jahan Anar LEPESOVA

18 qujatqa qol qoıyldy: Asqar Mamınnyń Túrkııaǵa sapary qalaı ótti?

QR Úkimet basshysy Asqar Mamın Túrkııa Respýblıkasyna jumys sapary aıasynda Prezıdent Rejep Taıyp Erdoǵanmen jáne Vıe-prezıdent Fýat Oktaımen kelissózder ótkizdi. Sondaı-aq Qazaqstan–Túrkııa úkimetaralyq ekonomıkalyq komıssııasynyń HI otyrysyna, ekijaqty bıznes-forýmnyń ashylýyna jáne túrik bıznesiniń kapıtandarymen kezdesýge qatysty. Bul týraly QR Premer-mınıstriniń resmı saıty habarlady. 

«Elderimiz arasyndaǵy yntymaqtastyq barlyq salada qarqyndy túrde damyp jatyr, ekijaqty qatynastardy sapaly jańa deńgeıge shyǵarýdyń negizi salyndy. Qazaqstannyń Tuńǵysh Prezıdenti – Elbasy N. Nazarbaev pen Memleket basshysy Q. Toqaev Túrkııany Qazaqstannyń mańyzdy ári strategııalyq seriktesteriniń biri retinde qarastyrady», — dedi A. Mamın Ankara qalasynda R. Erdoǵanmen kezdesýde.

Qazaqstanda túrik kapıtalynyń qatysýymen 4200-den astam kompanııa tirkelgen. Olar energetıka, kólik, agroónerkásip, mashına jasaý sektorlarynda, ınfraqurylymdyq qurylysta jáne basqa da salalarda qyzmet kórsetedi. Osy jyldyń 9 aıynyń qorytyndysy boıynsha ekijaqty taýar aınalymy 2,3 mlrd dollarǵa jetti. Bul, 2018 jyldyń sáıkes kezeńindegi kórsetkishten 68% artyq. Osy jyldyń sońyna qaraı ekijaqty saýda-sattyq kólemi 3 mlrd dollardan asady dep kúlitýde.

Qazirgi kezde túrik tarapymen birlesip pysyqtalyp jáne iske asyrylyp jatqan ınvestıııalyq jobalar pýly 6 mlrd dollardan asady. Kelissózder barysynda saýda-ekonomıkalyq, ınvestıııalyq, kólik-logıstıka, aýyl sharýashylyǵy jáne basqa da salalardaǵy yntymaqtastyqty odan ári damytý máseleleri talqylandy.

A. Mamın QR Tuńǵysh Prezıdenti – Elbasy N. Nazarbaevtyń monýmentine baryp, Atatúrik kesenesine gúl shoǵyn qoıdy jáne R. Erdoǵanmen birge Túrkııada ótkizilip jatqan «Bolashaqqa tynys ber» ekologııalyq naýqany aıasynda aǵashtar otyrǵyzdy.

Sonymen qatar, Úkimet basshysy TR Saýda-ónerkásip palatasynyń jumysymen tanysty, onyń ishinde Túrkııanyń memlekettik organdaryn ıfrlandyrý jumystary da bar.

QR Premer-Mınıstri A. Mamın Túrkııanyń Vıe-prezıdenti F. Oktaımen Ystanbulda Qazaqstan–Túrkııa úkimetaralyq ekonomıkalyq komıssııasynyń HI otyrysyna qatysty. Shara qorytyndysy boıynsha saýda jáne ınvestıııalar, ónerkásip, kólik, bilim berý, densaýlyq saqtaý, týrızm tárizdi jáne taǵy da basqa salalarda 65 pýnktten turatyn Birlesken is-qımyldar jospary qabyldandy

. Budan ózge, halyqaralyq aralas júkterdi tasymaldaý týraly úkimetaralyq kelisimge, 2019-2021 jyldarǵa arnalǵan «Jańa sınergııa» birlesken ekonomıkalyq baǵdarlamasy boıynsha is-qımyldar hattamasyna, sondaı-aq, QR Saýda jáne ıntegraııa mınıstrligi men TR Saýda mınıstrligi arasyndaǵy «halal» sanatyndaǵy ónimder boıynsha yntymaqtastyqty damytýǵa baǵyttalǵan ózara túsinistik týraly memorandýmǵa qol qoıyldy.

A. Mamın men F. Oktaı 500-ge jýyq túrik jáne 100 qazaqstandyq iskerlik orta ókilderiniń qatysýymen Qazaqstan–Túrkııa bıznes-forýmyn ashty. Forým aıasynda ınfraqurylym, ındýstrııa, kólik-logıstıka salalarynda, densaýlyq saqtaýda, qarjy naryǵyn damytýda, memlekettik-jekeshelik áriptestikte tájirıbemen almasý jáne ózge salalarda birlesken jobalardy iske asyrýdy qarastyratyn, jalpy 1,5 mlrd dollar somasyna 18 qujatqa qol qoıyldy.

Atap aıtqanda, Qazaqstanda qatparkarton qaptama, lak-boıaý ónimderi óndiristerin, «Aqtóbe–Gebze» ındýstrııalyq aımaǵyn ashý, Túrkistan qalasyn ınfraqurylymdyq damytý, sondaı-aq, Almaty men Qaraǵandyda ýnıversıtettik klınıkalar salý, Kókshetaý, Qyzylorda, Aqtaý, Atyraý, Aqtóbe, Tarazda kópbeıindi aýrýhanalar salý, Shymkent pen Aqtóbede dıagnostıkalyq ortalyqtar salý týraly ýaǵdalastyqtarǵa qol jetkizildi.

Qazaqstan Premer-Mınıstri Túrkııanyń 41 iri kompanııasynyń basshylarymen – QR ekonomıkasynyń qazirgi jáne áleýetti ınvestorlarymen kezdesti. Asqar Mamın túrik bıznesiniń kapıtandarymen ekijaqty kelissózder, sonymen qatar, «dóńgelek ústel» formatynda ortaq kezdesý ótkizdi.

Úkimet basshysy túrik bıznesmenderin Túrkistan qalasynyń túrki áleminiń mádenı-rýhanı ortalyǵy retinde jańǵyrýy men damýyna úles qosýǵa shaqyrdy.

Túrkııaǵa sapary aıasynda A. Mamın Qaıseri qalasyna baryp, onda 2018 jyldan bastap qyzmet kórsetetin, memlekettik-jekeshelik áriptestik modeli boıynsha júzege asyrylǵan Túrkııanyń densaýlyq saqtaý salasyndaǵy alǵashqy jobasyna aınalǵan qalalyq aýrýhana qyzmetimen tanysty.

 

Sońǵy jańalyqtar