11 Qarasha, 18:49 324 0 Jahan Anar LEPESOVA

Koreıada jol apatyna sebepker bolǵan qazaqstandyq elimizge deportaııalandy

Ońtústik Koreıanyń Chhonnan qalasynda júrgizýshi kýáliginsiz jol apatyna túsken qazaqstandyq elge deportaııalandy. Bul jaıynda búgin brıfıng barysynda QR Syrtqy ister mınıstrliginiń resmı ókili Aıbek Smadııarov aıtty, dep habarlady QazAqparat. 

«Jol-kólik apaty Chhonan qalasynda oryn alǵan. Jeńil kólikti basqaryp kele jatqan qazaqstandyq júk kóligine soqtyqqan. Onyń júrgýshi kýáligi bolmaǵan. Qazirgi ýaqytta ol Qazaqstan aýmaǵynda júr. Ol jaqta másele júk kóliginiń júrgizýshisimen ekeýara kelisim arqyly sheshilgen. Bizdiń azamatymyzǵa eshqandaı talap joq. Ony Ońtústik Koreıa aýmaǵynda zańsyz júrgeni úshin shyǵaryp jiberdi», - dedi resmı ókil.

Aıbek Smadırovtyń aıtýynsha, Qazaqstan azamatyna emdelý jáne júk kóligi júrgizýshisiniń shyǵyndaryn óteýge Elshilik jáne sol jaqta júrgen qazaqstandyqtar qol ushyn sozǵan. «Oǵan qajetti somany jınap berdi. Ol sol jaqta uzaq ýaqyt em aldy. Emdeleý sátti ótti. Qazir Qazaqstan aýmaǵynda, onyń jaǵdaıy jaqsy»,- dedi ol.

Sońǵy jańalyqtar