11 Qarasha, 09:51 331 0 Áleýmet Anar LEPESOVA

Qazaqstanda táýlik saıyn 150 erli-zaıypty ajyrasady

Elimizde kún saıyn 380 jup neke qıyp, otbasyn qursa, 150 erli-zaıypty ajyrasady, dep habarlaıdy «Habar 24».

Bul málimetter Almatyda ótken «Ónege» otbasylyq forýmynda aıtyldy. Januıalardy keshendi qoldaýǵa baǵyttalǵan «Otbasylyq akademııa» qoǵamdyq qory uıymdastyrǵan sharaǵa ǵalymdar, psıhologtar, úlgili otbasylar men turmystyq qarym-qatynastan jábir kórgender qatysty. Olar ómirlerinen naqty mysaldar keltirip, oǵan quqyqtyq, adamgershilik turǵyda baǵa berildi. Sondaı-aq qatysýshylar otbasyny qalaı saqtaýǵa bolady degen suraq tóńireginde oı bólisti. Qoǵamdyq qor buǵan deıin baqytty otbasy bolýdyń qupııalary týraly kitaptar shyǵarǵan.

"Otbasyn saqtaýdyń bir joly – erli-zaıyptylar kez kelgen taqyrypta bir-birimen ashyq sóılesýi kerek. Otbasy múshelerimen birge bolýǵa ýaqyt tabý qajet. Menińshe, baqytty otbasy bolýdyń negizgi qaǵıdasy osy", - deıdi  «Ónege» jobasynyń jetekshisi Azamat Jamanchınov.

Sońǵy jańalyqtar