9 Qarasha, 12:05 352 0 Densaýlyq Anar LEPESOVA

Kókshetaýda mektepti jaılaǵan belgisiz dertten 80 bala murttaı ushty

Kókshetaýda bir kúnde 80 bala aýyryp murttaı ushty. Qala ortalyǵyndaǵy №2 mektepte 260 oqýshy sabaqqa kelmeı qaldy. Kesheden beri aıaǵynan tik turǵan dárigerler úı-úıdi aralap, mekteptegi balalardy da bastan-aıaq tekserýge kirisken. Olardyń barlyǵy júregi aınyp álsirepti, dep habarlaıdy "KTK" arnasy. 

№2 mektep – qala ortalyǵyndaǵy 2200-ge jýyq oqýshysy bar eń úlken mektep. Bir sátte 80 oqýshy aýyryp qalǵanda mektep basshylyǵy dabyl qaǵa bastaǵan. Sanıtar mamandar mektep ashanasynan qajetti synamalar alypty.

"Búgin 260 oqýshy mektepke kelmeı qaldy. Kóbin ata-analary qaýiptenip jibermeı qalǵan. Solaı dep mektepke habarlasty. Bul jaǵdaıdyń neden bolǵanyn aıta almaımyz. Ashanada ýlanýy múmkin emes. Barlyq balalar tamaq iship júr ǵoı. Qajetti tekserý jumysyn uıymdastyryp jatyrmyz", - deıdi mektep dırektory Gúlnar Ábdiqasymova.

Oqýshylarmen birge eki muǵalim de naýqastanyp qalǵan. Ishi aýyryp, qusyp, basy aınalyp mektepke kele almaǵandardy dárigerler qarap jatyr. Sabaq ústinde de balalardyń densaýlyǵyn tekserýde.

Bilim oshaǵyn dúrliktirgen derttiń sebep saldaryn sanıtar mamandar anyqtap jatyr. Ashanadaǵy taǵamnan synamalar alyp, balalar analız tapsyrýǵa jiberilgen. Sondyqtan dál qazir dıagnozdy dóp basyp aıtý qıyn deıdi mamandar. Vırýstyq ınfekııa ma, álde ýlaný ma, ol endi saraptama qorytyndysynan keıin belgili bolady.

Sońǵy jańalyqtar