9 Qarasha, 11:44 366 0 Jahan Anar LEPESOVA

2021 jyly elordada Jahandyq jer festıvali ótedi

Jahandyq jer festıvali 2021 jyly elimizde ótetin bolady, dep habarlaıdy «Habar 24».

Qazaqstan ekologııalyq uıymdary qaýymdastyǵy tóralqasynyń tóraıymy Álııa Nazarbaeva men Halyqaralyq jasyl tehnologııalar jáne ınvestıııalyq jobalar ortalyǵynyń basshylyǵy bastaǵan elimizdiń delegaııasy Monako qalasynda ótken forýmǵa qatysty. Jahandyq jer festıvali – ekologııa, jasyl ekonomıka jáne jańasha oılaý baǵytyndaǵy mańyzdy forýmdardyń biri. Negizi ustanymy óner men shyǵarmashylyq arqyly ǵalamdy áleýmettik, ekonomıkalyq jáne ǵylymı turǵyda qaıta jańǵyrtýǵa baǵyttalǵan. Jahandyq is-sharaǵa elimizdiń ókilderi de shaqyrylyp otyr.

Qazaqstannyń álemge áıgili forýmmen yntymaqtastyǵy jaqynda ǵana bastaldy. Bıyl Astana ekonomıkalyq forýmyna Jahandyq jer festıvaliniń uıymdastyrýshysy – tanymal sýretshi Marııa Rebekka Ballestra qatysqan bolatyn. Atalǵan is-sharada eki jaq ózara túsinistik týraly memorandýmǵa qol qoıǵan. Qazaqstannyń ekologııalyq uıymdary qaýymdastyǵy tóralqasynyń tóraǵasy Álııa Nazarbaeva jáne jer festıvaliniń bas dırektory, sondaı-aq ókiletti mınıstr jáne Knıaz Albert II men qorshaǵan ortany qorǵaý máseleleri jónindegi keńesshisi Bernar Faýter kezdesý barysynda 2021 jyly elimizde Jer festıvalin uıymdastyrý týraly kelisken.

"Búkil ǵalamshar úshin uıymdastyrylatyn forým endi bizdiń jerimizde de ótedi. Osyndaı biregeı is-shara qoǵam aldyna ornyqty damý máselesin kóterýge múmkindik beredi. Bizdiń maqsatymyz – qorshaǵan ortany qorǵaý, ekologııa men jasyl tehnologııalardy damytýǵa qatysty máselelerdi sheship, kúrdeli jobalardy iske asyrý", –  deıdi «Jasyl» tehnologııalar jáne ınvestıııalyq jobalar ortalyǵynyń basshysy Ramazan Jámpeıisov.

Sońǵy jańalyqtar