8 Qarasha, 10:35 328 0 Qoǵam Túrkistan Gazeti

20 myń qazaqstandyq jat aǵymnyń jeteginde

UQK terrorızmge qarsy ortalyq bastyǵynyń orynbasary Sergeı Shveıkın Qazaqstanda destrýktıvti aǵymdy ustanatyndardyń sany 20 myńnan asatynyn habarlady.

«Málimetterge súıensek, HHI ǵasyrdyń basynan beri álemde 72 myńnan astam terakt bolyp, odan 170 myńdaı adam kóz jumǵan. Kóp jaǵdaıda olar radıkaldy, dinı ıdeologııanyń yqpalymen jasalady. Internettegi úlken nasıhattyń saldarynan bizdiń jeke azamattar sheteldegi ártúrli terrorıstik uıymdarǵa qosylyp ketedi. Radıkaldy nasıhattyń qaqpanyna kózqarasy qalyptaspaǵan, dinı bilimi joq, jastyq maksımalızmi basym jastar túsip qalady. Bizdiń azamattardyń «Ál-Kaıda» quramyna kirý úshin Aýǵanstanǵa birinshi ret shyǵyp ketý jaǵdaıy 2008 jyly tirkelgen edi. 2013 jyly Qazaqstannan shyqqandardyń kóbi Sırııa men Irakqa attandy. Osy kezeńge deıin shetelge 800-ge tarta Qazaqstan azamaty ótip ketken», – dedi Sergeı Shveıkın.

Sergeı Shveıkınniń aıtýynsha, shetelge shyǵyp ketken qazaqstandyqtardyń kóbi kóz jumǵan, qalǵany ustalyp, elge jetkizilgen. Qazirgi tańda UQK esebi boıynsha, Qazaqstanda destrýktıvti ıdeologııany ustanatyndardyń sany 20 myńnan asady. Terrorıster men ekstremısterdiń dál osy destrýktıvti aǵymdy ustanatyndardyń qatarynan shyǵatynyn tájirıbe kórsetip otyr. Olardyń basym kópshiligi Atyraý, Túrkistan, Qaraǵandy, Aqtóbe oblystarynda, Nur-Sultan men Almaty qalalarynda turady eken.

Araılym Joldasbekqyzy

Sońǵy jańalyqtar