8 Qarasha, 10:10 355 0 Aımaq Anar LEPESOVA

"Eńbek" baǵdarlamasy: Kásibin ashqysy keletin almatylyqtarǵa grant beriledi

Almaty qalasynyń jumyssyz azamattaryna grant taǵaıyndalmaq. Memlekettik grantty ıelenýge «Eńbek» jumyspen qamtý baǵdarlamasy sheńberinde qysqa merzimdi kýrstardy támamdaǵandar men «Bastaý Bıznes» jobasy boıynsha kásipkerlik negizderin oqyǵandar úmitker bola alady. Grant kólemi 100 aılyq eseptik kórsetkishke deıin barady, dep habarlaıdy Almaty arnasy. 

Al az qamtylǵan jáne kópbalaly otbasylarǵa, eńbekke jaramdy múgedekter men 29 jasqa deıingi jastarǵa bul kórsetkish 200 aılyq eseptik kórsetkishke deıin ulǵaıtylýy múmkin.

«Bul granttar «Eńbek» baǵdarlamasy arqyly qysqa merzimdi kýrstan ótkenderge taǵaıyndalady. 1 aı jáne 3 aı kóleminde oqýdan ótkender kásibı mamandyq alyp shyǵady. Jalpy bul qoldaý olarǵa óz bıznesin dóńgeletý úshin qarastyrylǵan. Oǵan bolashaq kásipkerler qajet jabdyqtar men qural-saımandardy satyp ala alady», - dedi Almaty qalasy jumyspen qamtý ortalyǵy dırektorynyń orynbasary Qarlyǵash ATAIBEKOVA

Qaldygúl esimdi kópbalaly ana shashtaraz mamandyǵyn meńgerý ústinde. Oqýdy aıaqtaǵan soń, grantqa qol jetkizsem dep armandaıdy.

«Men kópbalaly anamyn. Jumyspen júrgenmin. Sonymen jumyspen qamtý ortalyǵyna baryp, osy jerge keldim. Ózimniń negizgi mamandyǵym shashtaraz edi. Ary óqaraı damytqym keldi. Oqyp jatyrmyz 2 aı boldy. Alda testimiz bar, ekzamenimiz bar. Sodan aman-esen ótip, alǵa qoıǵan maqsattarymyzdy, bolashaǵamyzdy ótkizip alsaq dep», - dedi Qaldygúl BAZARGELDIEVA.

Qysqa merzimdi kýrstardan ótken soń, barlyq qatysýshylarǵa jumysqa ornalasýǵa ne bolmasa óz isin ashýǵa kómek kórsetiledi. Orazgúl Tynymbaeva qazir isker áıel. Jumyspen qamtý ortalyǵyna baryp, «shashtaraz» mamandyǵyn oqyp shyqqannan keıin, 100 aılyq eseptik kórsetkishinde grant jeńip alǵan. Sol qarajatqa óziniń jeke sulýlyq salonyn ashyp, qazir sán sheberlerin daıyndaıtyn  oqý ortalyǵyn damytý ústinde.

«Grantty aldym. Alǵannan keıin salon ashtym. Salondy ashqannan keıin aldyma maqsat qoıdym. Men bir salonmen shektelip qalmaıyn dep. Úkimet kómek berip jatyr. Atamekende konsýltaııa tegin, kóp jaǵdaı jasalǵan. Taǵy da granttar berilip jatyr, solardy bilip otyryp, ózime taǵy bir oqý ortalyǵyn ashamyn dep maqsat qoıdym. Iıýlden bastap júgirip, sentıabrden bastap, adam alyp, oqytyp jatyrmyn qazir», - dedi Orazgúl TYNYMBAEVA.

Jańa mamandyq ıesi atanyp, óz bıznes-ıdesıayn júzege asyrǵysy keletinderge Nazarbaev dańǵyly, 50 meken-jaıy boıynsha ornalasqan Jumyspen qamtý ortalyǵyna barý qajet.

Sońǵy jańalyqtar