22 Qazan, 10:38 412 0 Zań Anar LEPESOVA

Alty aılyq sábıin óltirgen áıel 15 jylǵa sottaldy

Tájikstannyń Kýlıab qalasynda  24 jastaǵy kelinshek alty aılyq sábıin óltirgeni úshin 15 jylǵa sottaldy, dep habarlaıdy Ortalyq Azııanyń jańalyqtar qyzmeti. 

Hatlon oblysynyń turǵyny Jámıla Karımova bıyl maýsym aıynda kúıeýiniń týystarymen ursyp qalǵannan keıin, uly Muhammadjondy kanalǵa laqtyryp jibergen. Balanyń denesi bir apta ótkennen keıin tabylǵan.

Sottalýshynyń kúıeýiniń týystary kelin bolyp túsken kúnnen beri Jámıla jańa týystarmen til tabysa almady deıdi. Al óziniń aıtýynsha, kúıeýiniń týystarynan únemi jábir kórgen. Birneshe ret ózine qol jumsaǵysy kelgen.

Jámıla sotta istegen isine qatty ókinetinin bildirgen. Ol ulyn sýǵa laqtyrǵannan keıin, artynan ózin de tastamaqshy bolǵan. Biraq raıynan qaıtqan.

Jámıla Karımova 2018 jyldyń basynda Ýmedjon Halımovqa turmysqa shyqqan. Kúıeýiniń sózinshe, úıdegi urys-keris anasynyń sómkesinen aqsha urlanǵannan bastalǵan. Buǵan kelinshegin kinálaıdy. Biraq ol sottan jeńil jaza berýin surady.

Sońǵy jańalyqtar