16 Qazan, 14:53 322 0 Ekonomıka Anar LEPESOVA

«Eır Astana» otandyq kásipkerlerge basymdyq bermek

«Eır Astana» akıonerlik qoǵamy Almatyda ashyq esik kúnderin ótkizdi. Jıynda áýe kompanııasynyń tender utyp alýshylarǵa qoıatyn talaptary men mindetteri túsindirildi.

Shara barysynda otandyq jáne sheteldik óndirýshiler óndirgen, «EırAstana» satyp alǵan taýarlar kórmege qoıyldy. Áýekompanııasy búgingi tańda qazaqstandyq taýarlardy tutynýǵa qyzyǵýshylyq tanytyp otyr. Eger taýar sapasy men servıstik qyzmet jaqsy bolsa, ol ónimdi eshqandaı qıyndyqsyz satyp alatyndaryn jetkizdi.

Ashyq esikke «Eır Astana» AQ satyp alý bóliminiń vıe-prezıdenti Dılıara Kúnqojaeva, «Samuryq-Qazyna» ulttyq ál-aýqat qory men «Atameken» ulttyq kásipkerler palatasynyń ókilderi qatysyp, arnaıy sóz sóıledi.

Dılıara Kúnqojaeva keltirgen málimetke súıensek, memlekettik satyp alýdan jeńgen tasymaldaýshylar bazasy 25 myńnan astam bolsa, sonyń 34 paıyzy jergilikti kásipkerler enshisinde. Kompanııa ókilderi osy 34 paıyzdy aldaǵy ýaqytta joǵarylatpaq nıette.

«Eır Astana» AQ-nyń 51 paıyz akııasy «Samuryq-Qazyna» ulttyq ál-aýqat qoryna tıesili bolsa, qalǵan 49 paıyzǵa ulybrıtanııalyq «BAE Systems» kompanııasy ıe.

Taraptar sheshimimen «Eır Astana» kompanııasynyń servıstik qyzmeti jyl saıyn jaqsaryp keledi. Oǵan tenderge bólingen qarajat ta áser etse kerek. Máselen 2017 jyly 153 mlrd teńge qarastyrylsa, bul somma 2019 jyly 219 mlrdqa jetken. Kompanııa ókilderi barlyq qazaqstandyqtardy «Eır Astana» kompanııasynyń tenderine qatysýǵa shaqyryp, kesh sońynda úzdik taýar jetkizýshilerdi marapattady.

 

Sońǵy jańalyqtar