16 Qazan, 10:54 318 0 Zań Anar LEPESOVA

Aýyl sharýashylyǵy bóliminiń burynǵy basshysy 1,6 mln teńge aıyppul arqalady

Óskemen qalasynyń Veterınarııa jáne aýyl sharýashylyǵy bóliminiń burynǵy basshysy para alǵany úshin sottaldy. Bul týraly QR Sybaılas jemqorlyqqa qarsy is-qımyl agenttiginiń baspasóz qyzmeti habarlady.

"Shyǵys Qazaqstan oblysynyń sybaılas jemqorlyqqa qarsy qyzmeti Óskemen qalasynyń veterınarııa jáne aýyl sharýashylyǵy bóliminiń basshysy S.S. Kúdebaevqa jáne osy bólimniń bas mamany Q.T. Serikovke qatysty birneshe ret para aldy degen kúdikpen sotqa deıingi tergeýdi aıaqtady. Olar kásipkerlik sýbektilerinen jalpy qamqorlyǵy úshin júıeli negizde (turmystyq sybaılas jemqorlyq) para aldy degen kúdikke ilingen bolatyn", - delingen habarlamada. 

Osy jyldyń 15 qazanynda Óskemen qalasynyń №2 sotynyń úkimimen atalǵan laýazymdy tulǵalar para alǵany úshin kináli dep tanylyp, olarǵa 1 638 000 teńge mólsherinde aıyppul salyndy, sondaı-aq memlekettik qyzmette laýazym atqarý quqyǵynan ómir boıyna aıyrdy.

Sońǵy jańalyqtar