14 Qazan, 15:54 472 0 Syrtqy saıasat Dınara MYŃJASARQYZY

Túrkimenstan Google bultyn buǵattady

Túrkimenstan bıligi Google kompanııasynyń málimetter saqtaıtyn bultyn buǵattady. Bul týraly Turkmen.news basylymy Qurium Media Foundation shved úkimettik emes uıymynyń esebine silteme jasap habarlady.

Buǵattaý DNS-serverdi almastyryp, jalǵan IP kórsetý arqyly júzege asqan. Sonyń saldarynan qoldanýshylar suraǵan paraqty asha almaı qalady.

Habarlarǵa qaraǵanda, Google bultyna maýsym aıynyń basynda turkmen.news saıtynyń kóshirmesi saqtalǵan. Túrkimenstanda ol birneshe kún ashylyp turdy, biraq keıin ony da jaýyp tastady.

Mamandar buǵattaýdyń bul túrine bılik qyrýar qarajat jumsap otyrǵanyn aıtty.

Túrkimenstan bıligi Internetti baqylaý men buǵattaýǵa qajetti tehnologııalardy shetelden satyp alǵan. Túrkimen arnaıy qyzmeti ony nemistiń Rohde & Schwarz kompanııasynan alǵan.

Túrkimenstanda áleýmettik jeliler, álemdik aqparat quraldarynyń saıttary, sonymen birge faıl almasý servısteri ashylmaı tur.

Sońǵy jańalyqtar