14 Qazan, 11:55 238 0 Zań Anar LEPESOVA

Brazılııadan Qazaqstan men Túrkııaǵa kokaın tasymaldaǵan qylmystyq top sottaldy

Ulttyq qaýipsizdik komıteti kokaın kontrabandasynyń tranzıttik arnasynyń jolyn kesti, dep habarlaıdy vedomstvonyń baspasóz qyzmeti. 

UQK Almaty qalasy boıynsha departamenti shymkenttik áriptesterimen birge Brazılııadan BAÁ arqyly Qazaqstanǵa jáne odan ári Túrkııaǵa kokaın jetkizýdiń halyqaralyq arnasyn anyqtap, jolyn kesti.

«2019 jylǵy naýryzda UQK Almaty qalalyq departamenti jedel izdestirý barysynda Almaty áýejaıynda kontrabandalyq jolmen kokaın ákeldi degen kúdikpen «Dýbaı-Almaty» avıareısiniń jolaýshysy, QR azamaty M. Satybaldıevti ustady. T ekserý kezinde qalalyq klınıkalyq aýrýhananyń medqyzmetkerleri arnaıy proedýra júrgizip, M. Satybaldıevtiń asqazan-ishek joldarynan jalpy salmaǵy 460 gramm kokaıny bar 42 kapsýla tabyldy. Jedel tergeý is-sharalarynyń nátıjesinde oǵan týystyq qatysy bar L. Qurmanbaeva ustaldy. Ol kórsetilgen esirtki partııasyn Brazılııadan QR-ǵa kontrabandalyq jolmen jetkizýdi uıymdastyrǵan, sondaı-aq olardy Túrkııaǵa tasymaldamaq bolǵan» delingen habarlamada.

Bıylǵy maýsymda Almaty qalalyq mamandandyrylǵan aýdanaralyq qylmystyq ister boıynsha sotynyń úkimimen L. Qurmanbaeva men M. Satybaldıev QR QK 297-baby 3-bóligi jáne 286-baby 4-bóligi boıynsha kináli dep tanyldy. Olar qaýipsizdigi barynsha joǵary túzeý kolonııasynda 15,5 jyl jazasyn óteıdi.

 

Sońǵy jańalyqtar